Молия вазирининг 05.03.2008 й. 23-сон "Автобензин ва дизел ёқилғиси учун қатъий миқдорда белгиланган акциз солиғи ставкаларини қайта кўриб чиқиш тўғрисида"ги Буйруғи (АВ томонидан 06.03.2008 й. 1777-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

06.03.2008 й.

N 1777

ЎЗБЕКИСТОН РЕСПУБЛИКАСИ

МОЛИЯ ВАЗИРИНИНГ

05.03.2008 й.

N 23

БУЙРУҒИ

Автобензин ва дизел ёқилғиси учун

қатъий миқдорда белгиланган акциз

солиғи ставкаларини қайта кўриб

чиқиш тўғрисида

(2008 йил 16 мартдан кучга киради)

Ўзбекистон Республикаси Президентининг 2007 йил 12 декабрдаги ПҚ-744-сон "Ўзбекистон Республикасининг 2008 йилги асосий макроиқтисодий кўрсаткичлари ва Давлат бюджети параметрлари тўғрисида"ги қарорининг (Ўзбекистон Республикаси қонун ҳужжатлари тўплами, 2007 йил, 52-сон, 534-модда) 12-1-сонли иловасига асосан БУЮРАМАН:

1. Автобензин ва дизел ёқилғиси учун белгиланган акциз солиғи ставкалари қайта кўриб чиқилиб, қуйидаги миқдорларда белгилансин:

А-76 ва Аи-80 маркали автобензинга - 173 100 сўм/тоннага;

Аи-91, А-92 ва Аи-93 маркали автобензинга - 190 800 сўм/тоннага;

Аи-95 маркали автобензинга - 220 000 сўм/тоннага;

дизел ёқилғисига - 148 200 сўм/тоннага.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Молия вазири                                                                       Р. Азимов

"Ўзбекистон Республикаси қонун ҳужжатлари тўплами", 2008 йил, 10-11-сон, 69-модда.