Ўзбекистон Республикаси Вазирлар Маҳкамасининг 01.05.2009 й. 128-сон "Ўзбекистон Миллий телерадиокомпанияси тизимидаги телевидение муҳандислик-техника ходимларини аттестациядан ўтказиш тартиби тўғрисидаги низомни тасдиқлаш ҳақида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

01.05.2009 й.

N 128

ЎЗБЕКИСТОН МИЛЛИЙ

ТЕЛЕРАДИОКОМПАНИЯСИ ТИЗИМИДАГИ

ТЕЛЕВИДЕНИЕ   МУҲАНДИСЛИК-ТЕХНИКА

ХОДИМЛАРИНИ АТТЕСТАЦИЯДАН ЎТКАЗИШ

ТАРТИБИ ТЎҒРИСИДАГИ НИЗОМНИ

ТАСДИҚЛАШ ҲАҚИДА

Ўзбекистон Республикаси Президентининг "Ўзбекистон Миллий телерадиокомпанияси тизимида юқори технологияли телерадиоускуналардан фойдаланиш самарадорлигини янада ошириш чора-тадбирлари тўғрисида" 2009 йил 1 апрелдаги ПҚ-1088-сон қарори ижросини таъминлаш, Ўзбекистон Миллий телерадиокомпанияси тизими кадрлар таркибини юқори малакали мутахассислар билан мустаҳкамлаш мақсадида Вазирлар Маҳкамаси ҚАРОР ҚИЛАДИ:

1. Ўзбекистон Миллий телерадиокомпанияси тизимидаги телевидение муҳандислик-техника ходимларини аттестациядан ўтказиш тартиби тўғрисидаги Низом иловага мувофиқ тасдиқлансин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Н. Арипов зиммасига юклансин.

Ўзбекистон Республикаси Бош вазири                         Ш.Мирзиёев

"Ўзбекистон Республикаси қонун ҳужжатлари тўплами", 2009 йил, 19-20-сон, 235-модда.