Ўзбекистон Республикаси Президентининг 26.09.1991 й. ПФ-265-сон Фармони

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

26.09.1991 й.

N ПФ-265

Ўзбекистон Республикаси Конституциясининг 118-4-моддаси 2, 4-бандларига ва "Ўзбекистон Республикаси Давлат мустақиллиги асослари тўғрисида"ги Қонунга мувофиқ ҳамда муҳофаза ва ҳудудий яхлитлик тадбирларини кучайтириш, давлат мустақиллиги ва суверенитетини таъминлаш, фуқароларнинг конституциявий ҳуқуқлари ва эркинликларини ҳимоя қилиш мақсадида:

1. Ўзбекистон ССР Давлат хавфсизлиги Иттифоқ - республика комитети тугатилсин.

2. Ўзбекистон Республикаси Миллий хавфсизлик бошқармаси тузилиб, Республика Президентига бўйсундирилсин.

3. Ўзбекистон Республикаси Президенти ҳузуридаги Вазирлар Маҳкамаси бир ой муддат ичида Ўзбекистон Миллий хавфсизлик бошқармаси тузилиши, низоми ва сонига доир таклифларни тайёрласин ҳамда тақдим этсин.

Ўзбекистон Республикаси Миллий хавфсизлик бошқармаси биринчи навбатда разведка, контрразведка ва уюшган жиноятчиликка қарши кураш билан шуғулланиши кераклиги белгилаб қўйилсин. Собиқ Давлат хавфсизлиги комитетининг юқорида санаб ўтилган вазифалар билан боғлиқ бўлмаган ва Ўзбекистон Республикаси Конституциясига зид барча тузилма, бўлинмалари ва бўлимларини тугатиш кўзда тутилсин.

Ўзбекистон Республикасининг Президенти                              И. Каримов

"Ўзбекистон Республикаси Олий Кенгашининг Ахборотномаси", 1991 й., 11-сон, 244-модда