Йўл чипталарини бериш ва уларни ишлатиш тартиби тўғрисидаги Низом (АВ томонидан 14.03.2002 й. 1115-сон билан рўйхатга олинган МБ 21.02.2002 й. 504-сон Қарори билан тасдиқланган)

Ўзбекистон Республикаси

Адлия вазирлигида

2002 йил 14 мартда 1115-сон

билан рўйхатга олинган

Ўзбекистон Республикаси

Марказий банки бошқарувининг

2002 йил 21 февралдаги 504-сонли

(5/10-сонли баённома)

қарори билан

ТАСДИҚЛАНГАН

Мазкур Низом рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Йўл чипталарини бериш ва уларни

ишлатиш тартиби тўғрисидаги

НИЗОМ

Мазкур Низом Ўзбекистон Республикасининг "Ўзбекистон Республикаси Марказий банки тўғрисида", "Банклар ва банк фаолияти тўғрисида", "Валютани тартибга солиш тўғрисида"ги Қонунлари, шунингдек Ўзбекистон Республикаси Вазирлар Маҳкамасининг 2002 йил 20 февралдаги 61-15-сонли “Ўзбекистон Республикаси ҳудудида валюта алмаштириш операцияларини амалга ошириш тартибини такомиллаштириш бўйича чоралар тўғрисида”ги Қарорига мувофиқ ишлаб чиқилган ва Ўзбекистон Республикасида ваколатли банклар томонидан чет эл валютасида йўл чеклари билан операцияларни ўтказиш тартибини белгилайди.

I. УМУМИЙ ҚОИДАЛАР

1. Йўл чеклари ўз матнида "йўл чеки" деган номга, йўл чекининг эмитент-банкнинг (кейинчалик - эмитент) номи, унинг ваколат шахсларининг имзолари, маълум бир суммани тўлаш тўғрисида эмитент мажбуриятини, шунингдек чекка ҳақ тўлашда эгасининг имзоси такроран таққосланадиган чек эгасининг имзо намунасига эга бўлган чет эл валютасидаги тўлов ҳужжати ҳисобланади.

2. Ваколатли банклар (кейинчалик матнда - банклар) чет эл банкларининг йўл чекларига ўзлари ва чет эл эмитент-банки эмитентлари ва йўл чеклари эмитентларининг корреспондент банклари ўртасида тузилган банклараро келишувларда қайд этилган тартибда ва шартларда ҳақ тўлайдилар.

3. Банклар чет эл эмитент-банкларининг йўл чекларини тўлаш тартиби, реквизитлари ва шакллари ҳақида, ҳамда рўй берган барча ўзгаришларни кузатиб борадилар ва ўз вақтида ахборот хатлари ёрдамида ўз бўлинмаларига хабар берадилар. Ушбу хатлар банкларда чет эл банкларининг (йўл чеклари намуналари ва уларга ҳақ тўлаш бўйича йўриқномалар) назорат материаллари билан биргаликда ҳужжатлар тўпламида сақланади. Бекор қилинган назорат материаллари "Бекор қилинди, асос: "__" _________ ___ йилдаги ахборот хати” деган ёзув орқали йўқ қилинади. Шундан сўнг кўрсатилган материаллар тегишли чет эл эмитент-банкининг ҳужжатлар тўпламидан олинади ва йўл чекларига ҳақ тўлаш бўйича материаллар бўйича ишга жойлаштирилади.

4. Йўл чеклари билан операцияларни олиб боришда Ўзбекистон Республикаси резидентларидан миллий валюта - сўмда, норезидентлардан эса - операция ўтказилаётган валютада комиссион мукофотни олишга рухсат этилади. Комиссион мукофотнинг тарифи ваколатли банкнинг раҳбари томонидан тасдиқланади.

5. Банклар томонидан операциялар ўтказиш рухсат берилган йўл чекларининг рўйхати Ўзбекистон Республикаси Марказий банки томонидан белгиланади.