Ўзбекистон Республикаси Президенти ҳузуридаги Вазирлар Маҳкамасининг 03.12.1991 й. 304-сон "Ўзбекистон Республикаси Савдо вазирлигининг халқ истеъмоли моллари сифати ва савдоси бўйича Давлат инспекциясини қайта ташкил этиш тўғрисида"ги Қарори
ЎЗБЕКИСТОН РЕСПУБЛИКАСИ
ПРЕЗИДЕНТИ ҲУЗУРИДАГИ
ВАЗИРЛАР МАҲКАМАСИНИНГ
ҚАРОРИ
03.12.1991 й.
N 304
ЎЗБЕКИСТОН РЕСПУБЛИКАСИ САВДО
ВАЗИРЛИГИНИНГ ХАЛҚ ИСТЕЪМОЛИ
МОЛЛАРИ СИФАТИ ВА САВДОСИ БЎЙИЧА
ДАВЛАТ ИНСПЕКЦИЯСИНИ ҚАЙТА
ТАШКИЛ ЭТИШ ТЎҒРИСИДА
Савдо корхоналаридаги саноат, маиший хизмат кўрсатиш корхоналари, шунингдек кооперативлар етказиб берадиган халқ истеъмоли молларининг сифатини назорат қилишни кучайтириш мақсадида Вазирлар Маҳкамаси ҚАРОР ҚИЛАДИ:
1. Ўзбекистон Республикаси Савдо вазирлигининг халқ истеъмоли моллари сифати ва савдоси бўйича Давлат инспекцияси Ўзбекистон Республикаси Савдо вазирлигининг халқ истеъмоли моллари сифати бўйича Давлат инспекцияси этиб қайта ташкил этилсин.
2. Ўзбекистон Республикаси Савдо вазирлигининг халқ истеъмоли моллари сифати бўйича Давлат инспекцияси тўғрисидаги Низом иловага мувофиқ тасдиқлансин.
3. Ўзбекистон ССЖ Вазирлар Кенгашининг "ЎзССЖ Савдо вазирлигининг халқ истеъмоли моллари сифати ва савдоси бўйича Давлат инспекцияси тўғрисидаги Низомни тасдиқлаш ҳақида" 1990 йил 21 майдаги 216-сон қарори ўз кучини йўқотган деб ҳисоблансин.
Ўзбекистон Республикаси
Вице-Президенти Ш. Мирсаидов