Гуруч- шоли учун акциз солиғини ҳисоблаб чиқариш ва тўлаш тартиби тўғрисида Тушунтириш (Молия вазирлиги томонидан томонидан ЭГ/04-02-05/1826-сон, Давлат солиқ қўмитаси томонидан 99-110-сон тасдиқланган)
ЎЗБЕКИСТОН РЕСПУБЛИКАСИ МОЛИЯ ВАЗИРЛИГИ N ЭГ/04-02-05/1826 |
ЎЗБЕКИСТОН РЕСПУБЛИКАСИ ДАВЛАТ СОЛИҚ ҚЎМИТАСИ N 99-110 |
06.09.1999 й.
Гуруч-шоли учун акциз солиғини ҳисоблаб
чиқариш ва тўлаш тартиби тўғрисида
ТУШУНТИРИШ
Ўзбекистон Республикаси Вазирлар Маҳкамасининг "Ўзбекистон Республикаси Вазирлар Махкамасининг 1998 йил 31 декабрдаги "1999 йилга макроиқтисодий кўрсаткичлар ва Ўзбекистон Республикаси давлат бюджетининг прогнози тўғрисида" 541-сон қарорига ўзгартишлар киритиш тўғрисида"ги Ўзбекистон Республикаси Вазирлар Маҳкамасининг 1999 йил 3 сентябрдаги 410-сон қарорларига мувофиқ 1999 йил сентябрдан бошлаб гуруч-шолига 33 фоиз миқдорида акциз солиғи жорий этилди.
Шолидан гуруч олувчи, шу жумладан, гуручни оқловчи корхоналар акциз солиғи тўловчилар ҳисобланади.
Мазкур солиқни ҳисоблаш ва бюджетга тўлаш тартиби Адлия вазирлиги томонидан 1997 йил 19 декабрда 379-сон билан рўйхатга олинган, "Ўзбекистон Республикасида ишлаб чиқарилган товарлар бўйича юридик шахслар томонидан тўланадиган акциз солиғини ҳисоблаш ва тўлаш тартиби тўғрисида" 1997 йил 19 ноябрда 36/97-96-сон билан тасдиқланган Йўриқномага биноан тартибга солинади.
Наша страница
Канал в телеграм 