Ички ишлар вазирлигининг 19-сон, Соғлиқни сақлаш вазирлигининг 16-сон "Ўзбекистон Республикаси Ички ишлар вазирлигининг тергов ҳибсхоналари ва жазони ижро этиш муассасаларида сақланаётган ОИВ инфекциясини юқтирганлар ва ОИТСга чалинган беморларга антиретровирус даволаш тақдим этиш тартиби тўғрисидаги Йўриқномани тасдиқлаш ҳақида"ги 27.11.2007 й. Қарори (АВ томонидан 26.12.2007 й. 1752-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

26.12.2007 й.

N 1752

ҚАРОРИ

Ўзбекистон Республикаси Ички ишлар вазирлигининг

тергов ҳибсхоналари ва жазони ижро этиш муассасаларида

сақланаётган ОИВ инфекциясини юқтирганлар ва ОИТСга

чалинган беморларга антиретровирус даволаш тақдим этиш

тартиби тўғрисидаги йўриқномани тасдиқлаш ҳақида

(2008 йил 5 январдан кучга киради)

Ўзбекистон Республикаси эпидемияга қарши курашиш Фавқулодда комиссияси мажлисининг 2007 йил 3 июлдаги "Ўзбекистон Республикасида 2007-2011 йилларда ОИВ инфекциясининг тарқалишига қарши курашишнинг Стратегик дастурини тасдиқлаш тўғрисида"ги Баённомаси талабларини бажариш, шунингдек ОИВ инфекциясини юқтирганлар ва ОИТСга чалинган беморларни даволашга қаратилган чора-тадбирлар самарадорлигини ошириш мақсадида, Ўзбекистон Республикаси Ички ишлар вазирлиги ва Ўзбекистон Республикаси Соғлиқни сақлаш вазирлиги ҚАРОР ҚИЛАДИЛАР:

1. Ўзбекистон Республикаси Ички ишлар вазирлигининг тергов ҳибсхоналари ва жазони ижро этиш муассасаларида сақланаётган ОИВ инфекциясини юқтирганлар ва ОИТСга чалинган беморларга антиретровирус даволаш тақдим этиш тартиби тўғрисидаги йўриқнома иловага* мувофиқ тасдиқлансин.

2. Ушбу қарор Ўзбекистон Республикаси Адлия вазирлигида давлат рўйхатидан ўтказилганидан сўнг ўн кундан кейин кучга киради.

*) Илова берилмайди.

"Ўзбекистон Республикаси қонун ҳужжатлари тўплами", 2007 йил, 52-сон, 543-модда.