Электр энергетикада назорат бўйича давлат инспекцияси бошлиғининг 03.06.2014 й. 5-сон "Истеъмолчи объектларини электр таъминоти лойиҳаларининг келишувини ўтказиш тартиби тўғрисидаги низомни тасдиқлаш ҳақида"ги буйруқни, шунингдек унга ўзгартиришлар ва қўшимчани ўз кучини йўқотган деб топиш тўғрисида"ги Буйруғи (АВ томонидан 05.06.2014 й. 1731-2-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

05.06.2014 й.

N 1731-2

ЭЛЕКТР ЭНЕРГЕТИКАДА НАЗОРАТ

БЎЙИЧА ДАВЛАТ ИНСПЕКЦИЯСИ

БОШЛИҒИНИНГ

03.06.2014 й.

N 5

БУЙРУҒИ

"Истеъмолчи объектларнинг электр таъминоти

лойиҳаларининг келишувини ўтказиш тартиби

тўғрисидаги низомни тасдиқлаш ҳақида"ги

буйруқни, шунингдек унга ўзгартиришлар

ва қўшимчани ўз кучини йўқотган

деб топиш тўғрисида

Вазирлар Маҳкамасининг 2004 йил 1 мартдаги 96-сонли қарори билан тасдиқланган Электр энергетикада назорат бўйича давлат инспекцияси ("Ўздавэнергоназорат" инспекцияси) тўғрисидаги низомга ва Ўзбекистон Республикаси Вазирлар Маҳкамасининг 2014 йил 5 мартдаги 52-сонли "Энергия таъминоти соҳасида рухсат бериш тартиб-таомилларидан ўтиш тартиби тўғрисидаги низомларни тасдиқлаш ҳақида"ги қарорига асосан БУЮРАМАН:

1. Қуйидагилар ўз кучини йўқотган деб топилсин:

Электр энергетикада назорат бўйича давлат инспекцияси бошлиғининг 2007 йил 17 сентябрдаги 144-сонли "Истеъмолчи объектларнинг электр таъминоти лойиҳаларининг келишувини ўтказиш тартиби тўғрисидаги низомни тасдиқлаш ҳақида"ги буйруғи (рўйхат рақами 1731, 2007 йил 20 октябрь) (Ўзбекистон Республикаси қонун ҳужжатлари тўплами, 2007 й., 43-сон, 436-модда);

Электр энергетикада назорат бўйича давлат инспекцияси бошлиғининг 2011 йил 24 ноябрдаги 24-сонли "Истеъмолчи объектларнинг электр таъминоти лойиҳаларининг келишувини ўтказиш тартиби тўғрисидаги низомга ўзгартиришлар ва қўшимча киритиш тўғрисида"ги буйруғи (рўйхат рақами 1731-1, 2011 йил 21 декабрь) (Ўзбекистон Республикаси қонун ҳужжатлари тўплами, 2011 й., 51-сон, 547-модда).

2. Мазкур буйруқ Ўзбекистон Республикаси Давлат архитектура ва қурилиш қўмитаси, Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси ҳамда "Ўзбекэнерго" Давлат-акциядорлик компанияси билан келишилган.

3. Мазкур буйруқ расмий эълон қилинган кундан эътиборан кучга киради.

Бошлиқ                                                                        А. Ниматуллаев

"Ўзбекистон Республикаси қонун ҳужжатлари тўплами",

2014 йил 9 июнь, 23-сон, 282-модда