Соғлиқни сақлаш вазирининг 21.04.2011 й. 120-сон "Замонавий ва маънавий эскирган тиббий ускуналар рўйхатини тасдиқлаш тўғрисида"ги Буйруғи (АВ томонидан 12.05.2011 й. 2228-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

12.05.2011 й.

N 2228

ЎЗБЕКИСТОН РЕСПУБЛИКАСИ

СОҒЛИҚНИ САҚЛАШ ВАЗИРИНИНГ

21.04.2011 й.

N 120

БУЙРУҒИ

Замонавий ва маънавий эскирган тиббий

ускуналар рўйхатини тасдиқлаш тўғрисида

(2011 йил 22 майдан кучга киради)

Ўзбекистон Республикаси Вазирлар Маҳкамасининг 2008 йил 3 апрелдаги 61-сон "Тиббий фаолиятни лицензиялаш тартибини янада такомиллаштириш чора-тадбирлари тўғрисида"ги (Ўзбекистон Республикаси қонун ҳужжатлари тўплами, 2008 й., 14-15-сон, 102-модда) ва 2010 йил 26 ноябрдаги 270-сон "Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида"ги ("Фуқаролар соғлиғини сақлаш тўғрисида"ги Ўзбекистон Республикаси Қонунининг 10 ва 11-моддаларига ўзгартишлар киритиш ҳақида" Ўзбекистон Республикасининг 2010 йил 19 майдаги ЎРҚ-246-сонли Қонуни) (Ўзбекистон Республикаси қонун ҳужжатлари тўплами, 2010 й., 48-сон, 447-модда) қарорларига мувофиқ БУЮРАМАН:

1. Замонавий ва маънавий эскирган тиббий ускуналар рўйхати иловага мувофиқ тасдиқлансин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Вазир                                                                                      А. Икрамов

"Ўзбекистон Республикаси қонун ҳужжатлари тўплами", 2011 йил, 19-сон, 197-модда.