Экология солиғини ҳисоблаб чиқариш ва тўлаш тартиби тўғрисида Йўриқнома (АВ томонидан 18.02.2003 й. 1219-сон билан рўйхатга олинган 14.01.2003 й. МВ 7-сон, ДСҚ 2003-03-сон қарори билан тасдиқланган)

Ўзбекистон Республикаси

Адлия вазирлигида

2003 йил 18 февралда 1219-сон

билан рўйхатга олинган

Ўзбекистон Республикаси

МВ 7-сон ва ДСҚ 2003-03-сон

14.01.2003 й. қарори билан

ТАСДИҚЛАНГАН

Мазкур Йўриқнома рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Экология солиғини ҳисоблаб чиқариш

ва тўлаш тартиби тўғрисида

ЙЎРИҚНОМА

(Янги таҳрирда)

Мазкур Йўриқнома Ўзбекистон Республикасининг Солиқ кодексига, Ўзбекистон Республикасининг “Давлат солиқ хизмати тўғрисида”ги қонуни 7-моддасига мувофиқ ишлаб чиқилган ҳамда экология солиғини ҳисоблаб чиқариш ва тўлаш тартибини белгилайди.

I. УМУМИЙ ҚОИДАЛАР

1. Мазкур Йўриқнома қоидалари солиқ солишнинг алоҳида тартиби ўрнатилган айрим тоифадаги тўловчиларга татбиқ этилмайди.

Бунда, агар солиқ солишнинг алоҳида тартиби ўрнатилган юридик шахслар фаолият асосий тури билан бир қаторда фаолиятнинг бошқа турлари билан шуғуллансалар, улар алоҳида ҳисоб юритиши ва ушбу фаолият билан боғлиқ бўлган харажатлардан келиб чиқиб экология солиғини тўлашлари зарур. Умуман корхона бўйича вужудга келган давр харажатларининг бўлиниши сотишдан олинган тушум ҳажмига мутаносиб равишда фаолият турлари бўйича амалга оширилади.

II. СОЛИҚ ТЎЛОВЧИЛАР

2. Товарлар ишлаб чиқарадиган, ишларни бажарадиган, хизматлар кўрсатадиган юридик шахслар экология солиғини тўловчилардир.

Ушбу Йўриқномада солиққа