Адлия вазирининг 28.08.2001 й. 148-мҳ-сон "Очиқ конлардаги бортлар, қияликлар, ўйиқ жойлар, ағдармаларнинг шакли ўзгаришларини кузатиш ва уларнинг мустаҳкамлигини таъминлаш тадбирларини ишлаб чиқиш бўйича йўриқномани давлат реестридан чиқариш тўғрисида"ги Буйруғи

ЎЗБЕКИСТОН РЕСПУБЛИКАСИ

АДЛИЯ ВАЗИРИНИНГ

БУЙРУҒИ

28.08.2001 й.

N 148-мҳ

Очиқ конлардаги бортлар, қияликлар,

ўйиқ жойлар, ағдармаларнинг шакли ўзгаришларини

кузатиш ва уларнинг мустаҳкамлигини таъминлаш

тадбирларини ишлаб чиқиш бўйича йўриқномани

давлат реестридан чиқариш тўғрисида

Ўзбекистон Республикаси Адлия вазирлигига давлат реестридан чиқариш учун тақдим этилган норматив-ҳуқуқий ҳужжатни ҳуқуқий экспертиза қилиш натижаси бўйича 2001 йил 28 августдаги хулосага мувофиқ ҳамда Ўзбекистон Республикаси Вазирлар Маҳкамасининг 1997йил 9 октябрдаги 469-сон “Вазирликлар, давлат қўмиталари ва идоралар меъёрий ҳужжатларининг қонунийлигини таъминлаш чора-тадбирлари тўғрисида”ги ва 2000 йил 19 майдаги 197-сон “Вазирликлар, давлат қўмиталари ва идоралар меъёрий ҳужжатларини қабул қилиш тартибини такомиллаштириш тўғрисида”ги қарорларига асосан

БУЮРАМАН:

1. Ўзбекистон Республикаси Адлия вазирлиги томонидан 1999 йил 26 февралда 649-сон билан давлат рўйхатидан ўтказилган “Очиқ конлардаги бортлар, қияликлар, ўйиқ жойлар, ағдармаларнинг шакли ўзгаришларини кузатиш ва уларнинг мустаҳкамлигини таъминлаш тадбирларини ишлаб чиқиш бўйича Йўриқнома” давлат реестридан чиқарилсин ва бу ҳақда Вазирликлар, давлат қўмиталари ва идоралар норматив-ҳуқуқий ҳужжатларининг давлат реестрига тегишли ёзув киритилсин.

2. Ўзбекистон Республикаси Саноатда ва кончиликда ишларни бехатар олиб борилишини назорат қилиш агентлиги мазкур ҳужжат давлат реестридан чиқарилганлигини барча манфаатдор шахсларга етказиши лозимлиги маълумот учун қабул қилинсин.

3. Идоравий меъёрий ҳужжатларни давлат рўйхатидан ўтказиш бошқармаси (М.М. Икромов) ушбу ҳужжат давлат реестридан чиқарилганлиги тўғрисидаги маълумот оммавий ахборот воситаларида чоп этилиши ҳамда манфаатдор шахслар эътиборига етказилиши устидан назоратни таъминласин.

4. Мазкур буйруқни бажарилишини назорат қилиш Қонунчилик бош бошқармаси бошлиғи Х.М. Содиқов зиммасига юклансин.

Вазир                                                                                      А.А. Полвон-зода