Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш марказининг 07.06.2002 й. 2002-11-сон "Акциядорлик жамиятлари акцияларини чикариш, давлах рўйхатидан ўтказиш ва чиқарилган акцияларни бекор қилиш тартиби тўғрисидаги низомни тасдиқлаш ҳақида"ги Буйруғи (АВ томонидан 10.07.2002 й 1159-сон билан рўйхатга олинган)
ЎЗБЕКИСТОН РЕСПУБЛИКАСИ
АДЛИЯ ВАЗИРЛИГИ ТОМОНИДАН
РЎЙХАТГА ОЛИНГАН
10.07.2002 й
N 1159
ЎЗБЕКИСТОН РЕСПУБЛИКАСИ
ДАВЛАТ МУЛКИ ҚЎМИТАСИ ҲУЗУРИДАГИ
ҚИММАТЛИ ҚОҒОЗЛАР БОЗОРИ ФАОЛИЯТИНИ
МУВОФИҚЛАШТИРИШ ВА НАЗОРАТ
ҚИЛИШ МАРКАЗИНИНГ
07.06.2002 й.
N 2002-11
БУЙРУҒИ
Акциядорлик жамиятлари акцияларини чикариш,
давлах рўйхатидан ўтказиш ва чиқарилган акцияларни
бекор қилиш тартиби тўғрисидаги низомни тасдиқлаш ҳақида
Ўзбекистон Республикасининг "Қимматли қоғозлар ва фонд биржаси" Қонунига мувофиқ ва Ўзбекистон Республикаси Вазирлар Маҳкамасининг 1996 йил 30 мартдаги 126-сонли Қарори билан тасдиқланган Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш Маркази тўғрисидаги Низомга асосан БУЮРАМАН:
1. Иловага мувофиқ "Акциядорлик жамиятлари акцияларини чиқариш, давлат рўйхатидан ўтказиш ва чиқарилган акцияларни бекор қилиш тартиби тўғрисидаги Низом" тасдиқлансин.
2. Мазкур Буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгач амалга киритилсин.
3. Мазкур Буйруқ амалга киритилган вақтдан бошлаб Ўзбекистон Республикаси Давлат мулки кўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш Маркази томонидан тасдиқланган "Ўзбекистон Республикаси ҳудудида қимматли қоғозларни чиқариш ва давлат рўйхатидан ўтказиш тартиби тўғрисидаги Низом" (Ўзбекистон Республикаси Адлия вазирлиги томонидан 1998 йил 10 июлда 453-сон билан рўйхатга олинган) ўз кучини йўқотган деб ҳисоблансин.
Бош директор М.Юнусматов
"Ўзбекистон Республикаси Молиявий қонунлари тўплами" 2003 й. 3-илова.
Наша страница
Канал в телеграм 