Ўзбекистон Республикасининг 29.08.1996 й. 255-I-сон "Ўзбекистон Республикасининг "Давлат мукофотлари тўғрисида"ги Қонинига ўзгартиш ва қўшимчалар киритиш тўғрисида"ги Қонуни

ЎЗБЕКИСТОН РЕСПУБЛИКАСИНИНГ

ҚОНУНИ

29.08.1996 й.

N 255-I

ЎЗБЕКИСТОН РЕСПУБЛИКАСИНИНГ

"ДАВЛАТ МУКОФОТЛАРИ ТЎҒРИСИДА"ГИ

ҚОНУНИГА ЎЗГАРТИШ ВА ҚЎШИМЧАЛАР

КИРИТИШ ТЎҒРИСИДА

Ўзбекистон Республикаси Олий Мажлиси ҚАРОР ҚИЛАДИ:

Ўзбекистон Республикасининг 1995 йил 22 декабрда қабул қилинган "Давлат мукофотлари тўғрисида"ги Қонунига (Ўзбекистон Республикаси Олий Мажлис Ахборотномаси, 1995 йил, N 12, 266-модда; 1996 йил, N 5-6, 63-модда) қуйидаги ўзгартиш ва қўшимчалар киритилсин:

11-модда "Амир Темур" ордени" деган сўзлардан кейин "Буюк хизматлари учун" деган сўзлар билан тўлдирилсин;

15 ва 16-моддалари қуйидаги таҳрирда баён этилсин:

"15 модда. Давлат мукофотлари билан фуқаролар билан бир қаторда айрим ҳолларда корхоналар, муассасалар, ташкилотлар, жамоат бирлашмалари, ижодий жамоалар ва ҳарбий бўлинмалар, шунингдек Ўзбекистон Республикасининг маъмурий-ҳудудий бирликлари ҳам мукофотланиши мумкин.

16-модда. Давлат мукофотлари билан тақдирланган шахслар қонун ҳужжатларига мувофиқ имтиёзлардан фойдаланадилар ҳамда бир марта бериладиган пул мукофоти ёки шу қийматдаги эсдалик совғасини оладилар".

Ўзбекистон Республикасининг Президенти                                    И. Каримов