Фавқулодда вазиятлар вазирининг 15.06.2021 й. 176-сон "Давлат ёнғин назорати органлари фаолиятини ташкил этиш ва амалга ошириш тартиби тўғрисидаги йўриқномага ўзгартиришлар киритиш ҳақида"ги Буйруғи (АВ томонидан 24.06.2021 й. 3097-4-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

24.06.2021 й.

N 3097-4

ЎЗБЕКИСТОН РЕСПУБЛИКАСИ

ФАВҚУЛОДДА ВАЗИЯТЛАР ВАЗИРИНИНГ

15.06.2021 й.

N 176

БУЙРУҒИ

Давлат ёнғин назорати органлари фаолиятини

ташкил этиш ва амалга ошириш тартиби тўғрисидаги

йўриқномага ўзгартиришлар киритиш ҳақида

Ўзбекистон Республикасининг "Судлар тўғрисида"ги ва 2019 йил 30 июлдаги ЎРҚ-551-сон "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги қонунлари, Ўзбекистон Республикаси Президентининг 2020 йил 24 июлдаги ПФ-6034-сон "Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида"ги ва 2020 йил 22 сентябрдаги ПФ-6065-сон "Ўзбекистон Республикасида идентификация ID-карталарни жорий этиш чора-тадбирлари тўғрисида"ги фармонларига мувофиқ БУЮРАМАН:

1. Ўзбекистон Республикаси ички ишлар вазирининг 2018 йил 28 октябрдаги 228-сон буйруғи (рўйхат рақами 3097, 2018 йил 11 декабрь) (Қонун ҳужжатлари маълумотлари миллий базаси, 12.12.2018 й., 10/18/3097/2314-сон) билан тасдиқланган Давлат ёнғин назорати органлари фаолиятини ташкил этиш ва амалга ошириш тартиби тўғрисидаги йўриқномага иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

Вазир                                                                          Т. Худайбергенов

Буйруққа

ИЛОВА

Давлат ёнғин назорати органлари фаолиятини

ташкил этиш ва амалга ошириш тартиби тўғрисидаги

йўриқномага киритилаётган ўзгартиришлар

1. 92-банднинг иккинчи хатбошисидаги ва 15-илова матнидаги "маъмурий ишлар бўйича туман (шаҳар) судьясига" деган сўзлар "туманлараро маъмурий судига" деган сўзлар билан алмаштирилсин.

2. 97-банднинг иккинчи хатбошисидаги ва 18-илова матнидаги "суд ижрочисига" деган сўзлар "давлат ижрочисига" деган сўзлар билан алмаштирилсин.

3. 13-илова матнидаги "шахсий паспортингиз (шахсни тасдиқловчи ҳужжат)" деган сўзлар "шахсни тасдиқловчи ҳужжатингиз (биометрик паспорт ёки идентификация ID-картаси)" деган сўзлар билан алмаштирилсин.

4. 26-илова матнидаги "хўжалик" деган сўз "иқтисодий" деган сўз билан алмаштирилсин.

5. 30-илова матнидаги "паспорт" деган сўз "биометрик паспорт ёки идентификация ID-картаси" деган сўзлар билан алмаштирилсин.

Қонун ҳужжатлари маълумотлари миллий базаси (www.lex.uz),

2021 йил 24 июнь