Ўзбекистон Республикаси Вазирлар Маҳкамасининг 03.07.2021 й. 416-сон "Саудия тараққиёт жамғармаси иштирокида "Мактабгача таълим соҳасида давлат-хусусий шерикликни қўллаб-қувватлаш" лойиҳасини амалга ошириш чора-тадбирлари тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

03.07.2021 й.

N 416

САУДИЯ ТАРАҚҚИЁТ ЖАМҒАРМАСИ ИШТИРОКИДА

"МАКТАБГАЧА ТАЪЛИМ СОҲАСИДА ДАВЛАТ-ХУСУСИЙ

ШЕРИКЛИКНИ ҚЎЛЛАБ-ҚУВВАТЛАШ" ЛОЙИҲАСИНИ

АМАЛГА ОШИРИШ ЧОРА-ТАДБИРЛАРИ ТЎҒРИСИДА

Ўзбекистон Республикаси Президентининг "Мактабгача таълим соҳасида давлат-хусусий шерикликни ривожлантиришга доир қўшимча чора-тадбирлар тўғрисида" 2021 йил 12 апрелдаги ПҚ-5071-сон карорига мувофиқ ҳамда болаларни мактабгача таълимга кенгроқ қамраб олишни таъминлаш мақсадида Вазирлар Маҳкамаси ҚАРОР ҚИЛАДИ:

1. Қуйидагилар:

Ўзбекистон Республикаси Ҳукумати ва Саудия тараққиёт жамғармаси (кейинги ўринларда - СТЖ) ўртасида 2020 йил 17 декабрда "Мактабгача таълим соҳасида давлат-хусусий шерикликни қўллаб-қувватлаш" лойиҳасини (кейинги ўринларда - лойиҳа) молиялаштириш учун йиллик 2 фоиз ставкада 5 йиллик имтиёзли даврни ўз ичига олган, 20 йил мобайнида қайтариш муддати билан қиймати 41,0 млн саудия риали (10,9 млн АҚШ доллари эквивалентидаги) бўлган қарз битими имзоланганлиги;

лойиҳани амалга ошириш доирасида Мактабгача таълим вазирлиги (кейинги ўринларда - Вазирлик) ва хусусий шериклар ўртасида 2018-2019 йилларда имзоланган давлат-хусусий шериклик тўғрисидаги битимларни (кейинги ўринларда - давлат-хусусий шериклик тўғрисидаги битимлар) молиялаштириш назарда тутилганлиги маълумот учун қабул қилинсин.

2. Белгилансинки:

а) Вазирлик - лойиҳанинг самарали амалга оширилишида СТЖнинг қарз битими асосида ажратилган маблағларидан (кейинги ўринларда - СТЖ маблағлари) мақсадли фойдаланиш учун;

Қорақалпоғистон Республикаси ва вилоятлардаги давлат-хусусий шериклик тамойили асосида нодавлат мактабгача таълим ташкилотларини молиялаштиришга бириктирилган тижорат банклари - СТЖ маблағлари ҳисобидан давлат-хусусий шериклик тўғрисидаги битимлар доирасида нодавлат мактабгача таълим ташкилотларини ташкил этиш учун хусусий шерикларга белгиланган тартибда имтиёзли кредит ажратилиши учун масъул ҳисобланади;

б) СТЖ маблағлари тижорат банкига берилган ресурсларнинг қайтиши ҳисобидан Ўзбекистон Республикаси Молия вазирлиги томонидан қайтарилади;

в) лойиҳа доирасида лойиҳада иштирок этувчи тижорат банкларига субсидиар қарз миллий валютада тақдим этилади. Саудия риалига нисбатан миллий валюта курслари тебраниши туфайли салбий харажатлар (валюта хатари) Ўзбекистон Республикасининг республика бюджети ҳисобидан қопланади;

г) лойиҳа бўйича маблағларни ўзлаштириш даври 3 йилни (2021-2023 йиллар) ташкил этади.

3. Лойиҳани амалга ошириш учун Вазирликнинг мавжуд штат бирликлари доирасида учта штат бирлигидан иборат Лойиҳани амапга ошириш гуруҳи ташкил этилсин.

4. Қуйидагилар:

"Мактабгача таълим соҳасида давлат-хусусий шерикликни қўллаб-қувватлаш" лойиҳасининг асосий техник-иқтисодий кўрсаткичлари 1-иловага мувофиқ;

"Мактабгача таълим соҳасида давлат-хусусий шерикликни қўллаб-қувватлаш" лойиҳаси бўйича асосий қарз ва фоиз тўлашнинг прогноз жадвали 2-иловага мувофиқ тасдиқлансин.

5. Ўзбекистон Республикаси Молия вазирлигига Ўзбекистон Республикаси Ҳукумати номидан СТЖ маблағларини ҳудудларга бириктирилган тижорат банкларига белгиланган тартибда қайта кредитлаш битимларини имзолаш, шунингдек, зарур ҳолларда ушбу битимларга ўзгартириш ва қўшимчалар киритиш ваколати берилсин.

6. Ўзбекистон Республикаси Адлия вазирлиги Ўзбекистон Республикаси Ҳукумати ва СТЖ ўртасидаги имзоланган қарз битимлари бўйича юридик хулоса тақдим этсин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев, Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари - иқтисодий тараққиёт ва камбағалликни қисқартириш вазири Ж.А. Қўчқоров ҳамда мактабгача таълим вазири А.В. Шин зиммасига юклансин.

Ўзбекистон Республикасининг Бош вазири                                             А. Арипов

Вазирлар Маҳкамасининг

2021 йил 3 июлдаги

416-сон қарорига

1-ИЛОВА

"Мактабгача таълим соҳасида давлат-хусусий шерикликни

қўллаб-қувватлаш" лойиҳасининг асосий техник-иқтисодий

КЎРСАТКИЧЛАРИ

(Саудия риал)

          

*) Консалтинг хизматлари ўз ичига лойиҳа-смета ҳужжатларини ишлаб чиқиш, экспертизадан ўтказиш, тегишли хулосаларни олиш, ҳужжатлар тўпламини тайёрлаш, қурилиш ишларини назорат қилиш билан боғлиқ харажатларни ўз ичига олади. Ушбу харажатлар хусусий шерикларнинг маблағлари ҳисобидан амалга оширилиб келинмоқда.

**) Лойиҳани амалга ошириш жараёнида харажатлар сатрлари жами лойиҳа қийматидан ошмаган ҳолда қайта тақсимланиши мумкин. Танлаб олинган лойиҳаларга ҳақиқатда ажратилган СТЖ маблағлари қийматидан келиб чиққан ҳолда молиялаштирилиши режалаштирилган мактабгача таълим ташкилотлари сонига аниқлик киритилиши мумкин.

Вазирлар Маҳкамасининг

2021 йия 3 июлдаги

416- сон қарорига

2-ИЛОВА

"Мактабгача таълим соҳасида давлат-хусусий

шерикликни қўллаб-қувватлаш" лойиҳаси

бўйича асосий қарз ва фоиз тўлашнинг

ПРОГНОЗ ЖАДВАЛИ

            

Изоҳ. СТЖ қарз битими бўйича асосий қарзни, фоизларни, бошқа тўловларни тўлаш қиймати ва қарз қайтариш саналари қарз ечилган кундан бошлаб аниқланади.

Қонун ҳужжатлари маълумотлари миллий базаси (www.lex.uz),

2021 йил 4 июль