Давлат божхона қўмитасининг 19.01.2022 й. 01-02/16-00002-сон "Дастлабки, даврий ва тўлиқ бўлмаган божхона юк декларацияларини расмийлаштириш тартиби тўғрисидаги низомга қўшимчалар киритиш ҳақида"ги Қарори (АВ томонидан 10.02.2022 й. 3296-1-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

10.02.2022 й.

N 3296-1

ЎЗБЕКИСТОН РЕСПУБЛИКАСИ

ДАВЛАТ БОЖХОНА ҚЎМИТАСИНИНГ

19.01.2022 й.

N 01-02/16-00002

ҚАРОРИ

Дастлабки, даврий ва тўлиқ бўлмаган божхона

юк декларацияларини расмийлаштириш тартиби

тўғрисидаги низомга қўшимчалар киритиш ҳақида

Ўзбекистон Республикаси Президентининг 2021 йил 10 сентябрдаги ПФ-6310-сон "Божхона тартиб-таомилларини соддалаштириш ва давлат божхона хизмати органлари ташкилий тузилмасини янада такомиллаштириш тўғрисида" Фармонига мувофиқ Ўзбекистон Республикаси Давлат божхона қўмитаси ҚАРОР ҚИЛАДИ:

1. Ўзбекистон Республикаси Давлат божхона қўмитасининг 2021 йил 31 мартдаги 01-02/13-20-сон қарори (рўйхат рақами 3296, 2021 йил 4 май) (Қонун ҳужжатлари маълумотлари миллий базаси, 04.05.2021 й., 10/21/3296/0410-сон) билан тасдиқланган Дастлабки, даврий ва тўлиқ бўлмаган божхона юк декларацияларини расмийлаштириш тартиби тўғрисидаги низомга иловага мувофиқ қўшимчалар киритилсин.

2. Мазкур қарор расмий эълон қилинган кундан эътиборан кучга киради.

Давлат божхона қўмитаси раиси                                          А.Ю. Мавлонов

Қарорга

ИЛОВА

Дастлабки, даврий ва тўлиқ бўлмаган божхона

юк декларацияларини расмийлаштириш тартиби

тўғрисидаги низомга киритилаётган қўшимчалар

1. 40-банди қуйидаги мазмундаги хатбоши билан тўлдирилсин:

"ТИФ ТН кодига аниқлик киритиш бўйича экспертиза тайинланган товарлар.".

2. Қуйидаги мазмундаги 42-1-банд билан тўлдирилсин:

"42-1. ТИФ ТН кодига аниқлик киритиш бўйича экспертиза тайинланган товарларга нисбатан тақиқ ва чекловлар белгиланган бўлса, ТББЮД расмийлаштиришга йўл қўйилмайди.".

3. Қуйидаги мазмундаги 46-1-банд билан тўлдирилсин:

"46-1. Божхона органи томонидан тайинланган экспертиза натижаси юзасидан қабул қилинган ТИФ ТН коди декларант ёки божхона брокерига ТЭД ААТ орқали тақдим этилади ҳамда тўлиқ БЮД экспертиза хулосасида белгиланган ТИФ ТН код асосида қонунчилик ҳужжатлари талаблари бўйича расмийлаштирилади.".

4. Мазкур қўшимчалар Ўзбекистон Республикаси Савдо-саноат палатаси билан келишилган.

Қонун ҳужжатлари маълумотлари миллий базаси (www.lex.uz),

2022 йил 10 февраль