Транспорт вазирининг 26.10.2023 й. 26-сон "Дарё транспортини техник ишлатиш қоидалари, шунингдек унга ўзгартириш ва қўшимчаларни ўз кучини йўқотган деб топиш тўғрисида"ги Буйруғи (АВ томонидан 10.11.2023 й. 990-7-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

10.11.2023 й.

N 990-7

ЎЗБЕКИСТОН РЕСПУБЛИКАСИ

ТРАНСПОРТ ВАЗИРИНИНГ

26.10.2023 й.

N 26

БУЙРУҒИ

Дарё транспортини техник ишлатиш қоидалари,

шунингдек унга ўзгартириш ва қўшимчаларни

ўз кучини йўқотган деб топиш тўғрисида

Ўзбекистон Республикаси Вазирлар Маҳкамасининг 2023 йил 11 сентябрдаги 462-сон "Ўзбекистон Республикаси кемачилиги соҳасида хавфсизликни таъминлашга оид чора-тадбирлар тўғрисида"ги қарорига мувофиқ БУЮРАМАН:

1. Айрим идоравий норматив-ҳуқуқий ҳужжатлар иловага мувофиқ ўз кучини йўқотган деб топилсин.

2. Мазкур буйруқ Ўзбекистон Республикаси Сув хўжалиги вазирлиги, Камбағалликни қисқартириш ва бандлик вазирлиги, Рақамли технологиялар вазирлиги, Тоғ-кон саноати ва геология вазирлиги, Давлат хавфсизлик хизмати, Ўзбекистон касаба уюшмалари Федерацияси Кенгаши билан келишилган.

3. Мазкур буйруқ расмий эълон қилинган кундан эътиборан кучга киради.

Транспорт вазири                                                       И.Р. Махкамов

Буйруққа

ИЛОВА

Ўз кучини йўқотган деб топилаётган идоравий

норматив-ҳуқуқий ҳужжатлар

РЎЙХАТИ

1. Ўзбекистон автомобил ва дарё транспорти агентлиги бошлиғи томонидан 2000 йил 30 ноябрда 01/960-сон билан тасдиқланган Дарё транспортини техник ишлатиш қоидалари (рўйхат рақами 990, 2000 йил 6 декабрь) (Ўзбекистон Республикаси вазирликлари, давлат қўмиталари ва идоралари норматив ҳужжатлари ахборотномаси, 2000 йил, 23-сон).

2. Ўзбекистон автомобил ва дарё транспорти агентлиги бошлиғининг 2011 йил 25 февралдаги 33-сон "Дарё транспортини техник ишлатиш қоидаларига ўзгартиришлар киритиш ҳақида"ги буйруғи (рўйхат рақами 990-1, 2011 йил 5 март) (Ўзбекистон Республикаси қонун ҳужжатлари тўплами, 2011 й., 10-11-сон, 107-модда).

3. Ўзбекистон автомобил ва дарё транспорти агентлиги бошлиғининг 2012 йил 8 августдаги 142-сон "Дарё транспортини техник ишлатиш қоидаларига ўзгартиришлар киритиш тўғрисида"ги буйруғи (рўйхат рақами 990-2, 2012 йил 7 сентябрь) (Ўзбекистон Республикаси қонун ҳужжатлари тўплами, 2012 й., 36-сон, 420-модда).

4. Ўзбекистон автомобил ва дарё транспорти агентлиги бошлиғининг 2013 йил 26 мартдаги 56-сон "Дарё транспортини техник ишлатиш қоидаларига ўзгартиришлар киритиш тўғрисида"ги буйруғи (рўйхат рақами 990-3, 2013 йил 25 апрель) (Ўзбекистон Республикаси қонун ҳужжатлари тўплами, 2013 й., 17-сон, 232-модда).

5. Ўзбекистон автомобил ва дарё транспорти агентлиги бошлиғининг 2015 йил 21 майдаги 30-сон "Дарё транспортини техник ишлатиш қоидаларига ўзгартиришлар киритиш тўғрисида"ги буйруғи (рўйхат рақами 990-4, 2015 йил 26 май) (Ўзбекистон Республикаси қонун ҳужжатлари тўплами, 2015 й, 21-сон, 282-модда).

6. Ўзбекистон автомобил ва дарё транспорти агентлиги бошлиғининг 2016 йил 15 декабрдаги 50-сон "Дарё транспортини техник ишлатиш қоидаларига ўзгартириш ва қўшимчалар киритиш тўғрисида"ги буйруғи (рўйхат рақами 990-5, 2016 йил 21 декабрь) (Ўзбекистон Республикаси қонун ҳужжатлари тўплами, 2016 й., 51-сон, 592-модда).

7. Ўзбекистон Республикаси транспорт вазирининг 2019 йил 7 мартдаги 2-сон "Дарё транспортини техник ишлатиш қоидаларига ўзгартириш киритиш тўғрисида"ги буйруғи (рўйхат рақами 990-6, 2019 йил 25 март) (Қонун ҳужжатлари маълумотлари миллий базаси, 25.03.2019 й., 10/19/990-6/2817-сон).

Қонун ҳужжатлари маълумотлари миллий базаси (www.lex.uz),

2023 йил 13 ноябрь