Ўзбекистон Республикаси Вазирлар Маҳкамасининг 23.04.2024 й. 231-сон "Қурилиш соҳасидаги норматив ҳужжатларни халқаро стандартлар билан уйғунлаштириш чора-тадбирлари тўғрисида"ги Қарори
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
23.04.2024 й.
N 231
ҚУРИЛИШ СОҲАСИДАГИ НОРМАТИВ
ҲУЖЖАТЛАРНИ ХАЛҚАРО СТАНДАРТЛАР
БИЛАН УЙҒУНЛАШТИРИШ ЧОРА-
ТАДБИРЛАРИ ТЎҒРИСИДА
Қурилиш ва уй-жой коммунал хўжалиги соҳасида техник жиҳатдан тартибга солишга оид норматив ҳужжатларни халқаро стандартлар билан уйғунлаштирган ҳолда тизимлаштириш, соҳада инновацион ечимлар, илмий-техник ишланмалар ва рақамли технологиялардан фойдаланишни кенгайтириш ҳамда қурилишда нархни шакллантиришнинг самарали тартибини жорий этиш мақсадида Вазирлар Маҳкамаси ҚАРОР ҚИЛАДИ:
1. Ўзбекистон Республикаси Президентининг "Маъмурий ислоҳотлар доирасида қурилиш ва уй-жой коммунал хўжалиги соҳасида давлат бошқарувини самарали ташкил қилиш чора-тадбирлари тўғрисида" 2023 йил 28 августдаги ПФ-151-сон Фармонига мувофиқ:
а) Қурилиш ва уй-жой коммунал хўжалиги вазирлиги ҳузуридаги давлат муассасаси шаклидаги Қурилиш соҳасида техник меъёрлаш ва стандартлаштириш илмий-тадқиқот институти Техник меъёрлаш ва стандартлаштириш илмий-тадқиқот институти (кейинги ўринларда - Институт) этиб қайта номланганлиги;
б) Институт:
қурилиш ва уй-жой коммунал хўжалиги соҳасида техник жиҳатдан тартибга солишга оид норматив ҳужжатларни ишлаб чиқиш, халқаро талаблар билан уйғунлаштириш ва уларнинг фондини яратиш;
илмий-тадқиқот ишларини бажариш, мутахассислар малакасини ошириш ва қайта тайёрлаш, қурилиш маҳсулотларини синаш ва сертификатлаш, қурилишда нархларни шакллантириш механизмларини ишлаб чиқиш;
қурилиш ресурслари миллий классификаторини (кейинги ўринларда - миллий классификатор) жорий қилиш ва нархлар электрон платформасини юритиш;
объектларнинг умумий маълумотлар муҳити (CDE / Common Data Environment), қурилишда корхоналар ресурсларини режалаштириш (ERP / Enterprise Resource Planning) ва ахборот моделлаштириш (BIM / Building Information Modeling) технологияларини (кейинги ўринларда - ахборот-дастурий тизимлар) жорий этиш бўйича ваколатли давлат муассасаси этиб белгиланганлиги маълумот учун қабул қилинсин.
2. Қуйидагилар:
Қурилиш ва уй-жой коммунал хўжалигига оид техник жиҳатдан тартибга солиш соҳасидаги норматив ҳужжатларни янада такомиллаштириш бўйича "йўл харитаси" 1-иловага мувофиқ;
2024-2026 йилларда такомиллаштириладиган шаҳарсозлик фаолияти соҳасидаги норматив ҳужжатлар рўйхати 2-иловага мувофиқ;
Техник меъёрлаш ва стандартлаштириш илмий-тадқиқот институти томонидан 2024-2026 йилларда ишлаб чиқиладиган "Uzbekistan building code" UBC 3-иловага мувофиқ;
Қурилиш ресурслари миллий классификаторини жорий қилиш ва нархлар электрон платформасини шакллантириш схемаси 4-иловага мувофиқ;
Қурилиш жараёнларига лойиҳа бошқарувининг рақамли тизимини жорий этиш схемаси 5-иловага мувофиқ тасдиқлансин.
3. Қуйидагилар институтнинг асосий вазифалари этиб белгилансин:
қурилиш ва уй-жой соҳасидаги техник жиҳатдан тартибга солиш соҳасидаги норматив ҳужжатлар ҳамда шаҳарсозлик норма ва қоидаларини (кейинги ўринларда - норматив ҳужжатлар) ҳамда инновацион ва рақамли технологияларни ўз вақтида ва сифатли ишлаб чиқиш, амалиётга жорий қилиш муаммоларини таҳлил қилиш орқали такомиллаштириш;
норматив ҳужжатларни халқаро талаблар билан уйғунлаштириш, экспертизадан ўтказиш, келишиш ва уларнинг фондини яратиш;
вазирликлар ва идоралар томонидан ишлаб чиқилган ва тақдим этилган қурилиш ва уй-жой коммунал хўжалиги соҳасида техник жиҳатдан тартибга солиш соҳасидаги норматив ҳужжатлар лойиҳаларининг соҳадаги норматив ҳужжатларга мувофиқлиги юзасидан хулосалар бериш;
эскирган ва ўз аҳамиятини йўқотган шаҳарсозлик нормалари ва қоидаларини қайта кўриб чиқиш, амалиётда қўллаш билан боғлиқ муаммоларни таҳлил қилиш ҳамда бугунги кунда амалга оширилаётган ислоҳотлар билан уйғунлаштириш;
қурилиш материалларини гуруҳларга ва бўлимларга таснифлаган ҳолда, ҳар бирининг алоҳида идентификация рақамланишини ва норматив ҳужжатларга мувофиқ номланишини назарда тутувчи миллий классификаторни жорий қилиш ва нархлар электрон платформасини юритиш;
қурилиш ва уй-жой коммунал хўжалиги соҳасига рақамли технологиялар асосида ахборот-дастурий тизимларини ва қурилиш жараёнлари мониторинги тизимларини жорий этиш;
бино ва иншоотларни энергия самарадорлик нуқтаи назаридан аудит қилиш ишларини ташкил этиш, мувофиқлаштириш ва назорат қилиш;
қурилишда нархларни шакллантириш тизими ва ресурслар сарфи бўйича норматив базани, шу жумладан, қурилиш техникалари, машина ва механизмлар ҳамда технологияларни хронометраждан ўтказиш орқали такомиллаштириб бориш;
қурилиш маҳсулотларини техник жиҳатдан тартибга солиш соҳасидаги норматив ҳужжатларга мувофиқлигини тасдиқлаш.
4. Қуйидагилар Институт фаолиятини молиялаштириш манбалари этиб белгилансин:
вазирликка норматив ҳужжатларни такомиллаштириш мақсадлари учун ҳар йили республика бюджетидан ажратиладиган маблағлар доирасида шартномалар асосида олинган маблағлар;
Институтнинг рақамли технологиялар асосида яратилган ахборот-дастурий тизимларда рўйхатдан ўтган фойдаланувчилардан тўланадиган тўловлар;
миллий классификатор ва нархлар электрон платформасида рўйхатдан ўтказилган товар, иш ва хизматларни сотиш бўйича ишлаб чиқарувчи ва етказиб берувчилар томонидан шартнома асосида амалга ошириладиган тўловлар;
Қурилиш ва уй-жой коммунал хўжалиги вазирлиги фаолиятини қўллаб-қувватлаш жамғармаси (кейинги ўринларда - Жамғарма) маблағлари;
Олий таълим, фан ва инновациялар вазирлиги томонидан ўтказиладиган танловлар натижалари бўйича ажратиладиган грантлар;
халқаро молия институтлари ва бошқа ташкилотларнинг грантлари;
тадқиқотлар ўтказишдан ва шартнома асосида ишларни бажаришдан (хизмат кўрсатиш) тушадиган маблағлар;
қонунчилик ҳужжатларида тақиқланмаган бошқа манбалар.
5. Белгилансинки:
рақамли технологиялар асосида ахборот-дастурий тизимлар, миллий классификатор ва нархлар электрон платформасини жорий қилиш, юритиш ва унинг узлуксиз ишлашини таъминлаш фойдаланувчиларнинг тўловлари, Институт маблағлари ва Жамғарма маблағлари ҳисобидан молиялаштирилади;
вазирликка норматив ҳужжатларни такомиллаштириш мақсадлари учун ҳар йили республика бюджетидан ажратиладиган маблағлар шартномавий муносабатлар асосида тақсимот билан Институтга ва вазирлик тизимидаги лойиҳа институтларига йўналтирилади, шунингдек, бунда зарур ҳолларда бошқа тегишли ташкилотлар жалб этилади.
6. Қурилиш ва уй-жой коммунал хўжалиги вазирлиги манфаатдор вазирликлар ва идоралар билан биргаликда бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ҳамда қурилиш ва уй-жой коммунал хўжалиги вазири Б.И. Закиров зиммасига юклансин.
Ўзбекистон Республикасининг Бош вазири А. Арипов
2024 йил 23 апрелдаги
231-сон қарорига
1-ИЛОВА
Қурилиш ва уй-жой коммунал хўжалигига оид
техник жиҳатдан тартибга солиш соҳасидаги норматив
ҳужжатларни янада такомиллаштириш бўйича
"ЙЎЛ ХАРИТАСИ"
2024 йил 23 апрелдаги
231-сон қарорига
2-ИЛОВА
2024-2026 йилларда такомиллаштириладиган
шаҳарсозлик фаолияти соҳасидаги
норматив ҳужжатлар
РЎЙХАТИ
Т/р |
Т/р |
ШНҚ рақами
|
ШНҚ номи
|
2024 йилда
|
|||
1. |
1. |
ШНҚ 1.01.01 |
Қурилиш соҳасидаги норматив ҳужжатлар тизими. |
2. |
2. |
ШНҚ 1.02.07 |
Қурилиш учун муҳандислик қидирувлари. Умумий кўрсатмалар. |
3. |
3. |
ШНҚ 1.02.08 |
Қурилиш учун муҳандислик-геодезия қидирувлари. |
4. |
4. |
ШНҚ 1.02.05 |
Қурилиш учун муҳандислик-экология қидирувлари. |
5. |
5. |
ШНҚ 1.04.04 |
Қурилишда буюмлар, ускуналар ва материаллардан такрорий фойдаланиш. |
6. |
6. |
ШНҚ 1.05.01 |
Қурилишда ахборот моделлаштириш. Ишлаб чиқариш ва техник бўлимлар томонидан ишларни ташкил этиш қоидалари. |
7. |
7. |
ҚМҚ 2.01.03 |
Сейсмик ҳудудларда қурилиш. |
8. |
8. |
ҚМҚ 2.01.04 |
Қурилиш иссиқлик техникаси. |
9. |
9. |
ШНҚ 2.01.05 |
Табиий ва сунъий ёритиш. |
10. |
10. |
ҚМҚ 2.01.07 |
Юклар ва таъсирлар. |
11. |
11. |
ҚМҚ 2.01.08 |
Шовқиндан ҳимоя. |
12. |
12. |
ҚМҚ 2.01.09 |
Чўкувчан ва ўта чўкувчан грунтли ҳудудларда қуриладиган бино ва иншоотлар. |
13. |
13. |
ҚМҚ 2.01.18 |
Бинолар ва иншоотларни иситиш, шамоллатиш ва кондициялаштириш учун энергия сарфи меъёрлари. |
14. |
14. |
ШНҚ 2.01.20 |
Сейсмик ҳудудларда транспорт иншоотлари қурилиши. |
15. |
15. |
ҚМҚ 2.02.01 |
Бино ва иншоотларнинг асослари. |
16. |
16. |
ҚМҚ 2.03.01 |
Бетон ва темир-бетон конструкциялар. |
17. |
17. |
ҚМҚ 2.03.10 |
Том ва том қопламалари. |
18. |
18. |
ҚМҚ 2.03.11 |
Қурилиш конструкцияларини коррозиядан ҳимоя қилиш. |
19. |
19. |
ШНҚ 2.03.13 |
Поллар. |
20. |
20. |
ҚМҚ 2.04.03 |
Канализация. Ташқи тармоқлар ва иншоотлар. |
21. |
21. |
ҚМҚ 2.04.13 |
Қозонхоналар. |
22. |
22. |
ҚМҚ 2.04.16 |
Қуёшли иссиқ сув таъминоти қурилмалари. |
23. |
23. |
ҚМҚ 2.04.17 |
Турар жой ва жамоат биноларининг электр жиҳозлари. |
24. |
24. |
ШНҚ 2.07.02 |
Қурилиш объектларини ногиронлиги бўлган шахслар ҳамда кексалар эҳтиёжини инобатга олган ҳолда лойиҳалаштириш. |
25. |
25. |
ШНҚ 2.07.06 |
Шаҳар кўча йўллари. Лойиҳалаш 1-қисм |
26. |
26. |
ШНҚ 2.07.06 |
Шаҳар кўча йўллари. Пиёда минтақалари 2-қисм |
27. |
27. |
ШНҚ 2.07.06 |
Шаҳар кўча йўллари. Ҳаракат хавфсизлиги 3-қисм |
28. |
28. |
ҚMҚ 2.08.02 |
Жамоат бинолари ва иншоотлари |
29. |
29. |
ШНК 2.08.01 |
Турар жой бинолари |
30. |
30. |
ШНҚ 2.08.03 |
Санаторийлар. |
31. |
31. |
ҚМҚ 2.08.04 |
Маъмурий бинолар. |
32. |
32. |
ҚМҚ 2.08.10 |
Жисмоний тарбия-соғломлаштириш ва спорт иншоотлари |
33. |
33. |
ҚMҚ 2.08.11 |
Маданият ташкилотлари |
34. |
34. |
ҚMҚ 2.08.12 |
Маданий-мерос объектлари |
35. |
35. |
ШНҚ 2.08.16 |
Банк муассасалари |
36. |
36. |
ШНҚ 2.09.09 |
Донни сақлаш ва ишлов бериш корхоналари, бинолари ва иншоотлари. |
37. |
37. |
ШНҚ 2.09.20 |
Автомобилларга ёқилғи қуйиш станциялари. |
38. |
38. |
ШНК 2.09.21 |
Ёнғин ўчириш депоси ва постлари. |
2025 йилда |
|||
39. |
1. |
ШНҚ 1.02.01 |
Бино ва иншоотларни қурилишида геотехник мониторинг. Қоидалар тўплами. |
40. |
2. |
ШНҚ 1.02.02 |
Қурилишда геодезия ишлари. |
41. |
3. |
ШНҚ 2.01.01 |
Лойиҳалаш учун иқлимий ва физикавий-геологик маълумотлар. |
42. |
4. |
ШНҚ 2.01.02 |
Бинолар ва иншоотларнинг ёнғин хавфсизлиги. |
43. |
5. |
ШНҚ 2.01.19 |
Портлаб-ёниш ва ёнғин хавфи бўлган хоналар, бино ва иншоотлар ҳамда ташқи қурилмалар тоифаларини аниқлаш. |
44. |
6. |
ҚМҚ 2.03.03 |
Армоцемент конструкциялар. |
45. |
7. |
ҚМҚ 2.03.04 |
Оширилган ва юқори ҳароратлар таъсири шароитларида ишлаш учун мўлжалланган бетон ва темир-бетон конструкциялар. |
46. |
8. |
ШНҚ 2.03.06 |
Алюминий конструкциялар. |
47. |
9. |
ҚМҚ 2.03.07 |
Тош ва ўзактошли қурилмалар. |
48. |
10. |
ШНҚ 2.03.08 |
Ёғоч конструкциялар. |
49. |
11. |
ҚМҚ 2.04.01 |
Биноларнинг ички сув таъминоти ва канализация. |
50. |
12. |
ШНҚ 2.04.02 |
Сув таъминоти. Ташқи тармоқлар ва иншоотлар. |
51. |
13. |
ҚМҚ 2.04.05 |
Иситиш, вентиляция ва кондициялаш. |
52. |
14. |
ҚМҚ 2.04.07 |
Иссиқлик тармоқлари. |
53. |
15. |
ШНҚ 2.04.08 |
Газ таъминоти. Лойиҳа меъёрлари. |
54. |
16. |
ШНҚ 2.04.14 |
Ускуналар ва қувур ўтказгичларнинг иссиқлик изоляцияси. |
55. |
17. |
ШНҚ 2.05.04 |
Метрополитенлар. |
56. |
18. |
ҚМҚ 2.05.05 |
Темир йўл ва автомобиль йўллари туннеллари. |
57. |
19. |
ШНҚ 2.05.09 |
Трамвай ва троллейбус йўллари. |
58. |
20. |
ШНҚ 2.06.03 |
Суғориш тизимлари. Лойиҳалаштириш нормалари. |
59. |
21. |
ШНҚ 2.06.12 |
Сув оқимини бошқариш учун сув омборлари. |
60. |
22. |
ШНҚ 2.08.13 |
Савдо ва умумий овқатланиш мажмуалари |
61. |
23. |
ШНҚ 2.08.14 |
Маиший хизмат кўрсатиш мажмуалари |
62. |
24. |
ШНҚ 2.08.18 |
Туризм объектлари |
63. |
25. |
ШНҚ 2.08.19 |
Суд ва прокуратура бинолари |
64. |
26. |
ШНҚ 2.08.20 |
Архив бинолари |
65. |
27. |
ҚМҚ 2.05.06 |
Магистрал қувурўтказгичлар |
2026 йилда
|
|||
66. |
1. |
ҚМҚ 2.01.14 |
Ҳисобий гидрологик тавсифларни аниқлаш. |
67. |
2. |
КМК 2.02.02 |
Гидротехника иншоотлари заминлари. |
68. |
3. |
ШНҚ 2.02.03 |
Қозиқли пойдеворлар. |
69. |
4. |
ҚМҚ 2.02.05 |
Динамик юкламали машиналар пойдеворлари. |
70. |
5. |
ШНҚ 2.03.05 |
Пўлат конструкциялар. Лойиҳалаштириш меъёрлари. |
71. |
6. |
ШНҚ 2.04.09 |
Бино ва иншоотларнинг ёнғин автоматикаси. |
72. |
7. |
ШНҚ 2.04.18 |
Шаҳарлар ва қишлоқ аҳоли яшайдиган жойларни ташқи ёритиш. |
73. |
8. |
ҚМҚ 2.04.20 |
Турар жой ва жамоат бинолари муҳандислик ускуналарининг алоқа, сигнализация ва диспетчерлаштириш қурилмаларини лойиҳалаш. |
74. |
9. |
ШНҚ 2.05.03 |
Кўприклар ва қувурлар. |
75. |
10. |
ҚМҚ 2.05.08 |
Аэродромлар. |
76. |
11. |
ШНҚ 2.06.01 |
Гидротехника иншоотлари. |
77. |
12. |
ҚМҚ 2.06.04 |
Гидротехника иншоотларига бўлган таъсирлар ва юкланишлар. |
78. |
13. |
ҚМҚ 2.06.05 |
Грунтдан бўлган тўғонлар. |
79. |
14. |
ҚМҚ 2.06.06 |
Бетон ва темир-бетон тўғонлар. |
80. |
15. |
ШНҚ 2.06.07 |
Тиргак деворлар, кема қатнови шлюзлари, балиқ ўтказиш ва балиқ муҳофазаси иншоотлари. |
81. |
16. |
ҚМҚ 2.06.08 |
Гидротехника иншоотларининг бетон ва темир-бетон конструкциялари. |
82. |
17. |
ШНҚ 2.06.16 |
Сунъий сув ҳавзалари учун полиэтилен плёнкадан фильтрацияга қарши мосламаларни лойиҳалаш. |
83. |
18. |
ҚМҚ 2.07.03 |
Корхоналар, бинолар ва иншоотлар ҳудудларини тўсиш. |
84. |
19. |
ШНҚ 2.07.04 |
Қишлоқ хўжалиги корхоналари ҳудудларини архитектура-режалаштиришни ташкил қилиш. |
85. |
20. |
ҚМҚ 2.08.06 |
Санитар-эпидемиологик станциялар. |
86. |
21. |
ҚМҚ 2.09.01 |
Қишлоқ хўжалиги корхоналарининг бош режалари. |
87. |
22. |
ШНҚ 2.09.04 |
Корхоналарнинг маъмурий ва маиший бинолари. |
88. |
23. |
ШНҚ 2.09.07 |
Чорвачилик, паррандачилик ва ҳайвончилик корхоналари. |
89. |
24. |
ШНҚ 2.09.08 |
Иссиқхоналар ва буғхоналар. |
90. |
25. |
ШНҚ 2.09.10 |
Қишлоқ хўжалиги маҳсулотларини сақлаш ва қайта ишлаш учун бинолар ва хоналар. |
91. |
26. |
ҚМҚ 2.09.11 |
Қуруқ минерал ўғитлар ва ўсимликларни кимёвий ҳимоя қилиш воситалари омборлари. |
92. |
27. |
ШНҚ 2.09.13 |
Ер ости кон лаҳимларини лойиҳалаш. |
93. |
28. |
ШНҚ 2.09.19 |
Нефть ва нефть маҳсулотлари омборхоналари. |
Изоҳ. Ўзбекистон Республикаси Президенти ва Вазирлар Маҳкамасининг тегишли ҳужжатлари ва топшириқлари асосида Қурилиш ва уй-жой коммунал хўжалиги вазирлиги томонидан ушбу рўйхатга Вазирлар Маҳкамаси билан келишилган ҳолда ўзгартириш ва қўшимчалар киритилиши мумкин.
2024 йил 23 апрелдаги
231-сон қарорига
3-ИЛОВА
Техник меъёрлаш ва стандартлаштириш илмий-тадқиқот
институти томонидан 2024-2026 йилларда ишлаб
чиқиладиган "Uzbekistan building code" UBC
Бўлим |
UBC бўлимлари номи |
Ишлаб чиқиш муддати
|
Ҳамижрочилар |
А. |
Умумий қоидалар ва талаблар |
2024 йил |
"Боштранслойиҳа" АЖ, "Автомобиль йўллари илмий текшириш институти" ДК, "Ўзоғирсаноатлойиҳа" АЖ, "Гидропроект" АЖ, "ЎзшаҳарсозликЛИТИ" бош лойиҳа институти ДМ, "ТошкентбошпланЛИТИ" бош лойиҳа институти ДМ, "Қишлоқ қурилиш лойиҳа" бош лойиҳа институти ДМ, "Тошуйжой ЛИТИ" АЖ, "Коммунал лойиҳа илмий тадқиқот институти" ДМ, "ЎзЛИТИнефтгаз" АЖ, "Ташгипрогор" АЖ, тегишли вазирлик ва идоралар |
В. |
Шаҳарсозлик |
2024 йил |
|
D. |
Махсус имкониятлар ва қулайликлар |
2024 йил |
|
E. |
Вертикал тузилмалар |
2025 йил |
|
F. |
Ташқи тўсиқ конструкциялари |
2025 йил |
|
G. |
Юк кўтариш конструкциялари |
2026 йил |
|
H. |
Муҳандислик тармоқлари |
2025 йил |
|
I. |
Ички муҳит |
2025 йил |
|
J. |
Хавфсизлик |
2026 йил |
|
K. |
Ёнғин хавфсизлиги |
2024-2026 йиллар |
Изоҳ. Ўзбекистон Республикаси Президенти ва Вазирлар Маҳкамасининг тегишли ҳужжатлари ва топшириқлари асосида Қурилиш ва уй-жой коммунал хўжалиги вазирлиги томонидан ушбу рўйхатга Вазирлар Маҳкамаси билан келишилган ҳолда ўзгартириш ва қўшимчалар киритилиши мумкин.
2024 йил 23 апрелдаги
231-сон қарорига
4-ИЛОВА
Қурилиш ресурслари миллий классификаторини
жорий қилиш ва нархлар электрон
платформасини шакллантириш
СХЕМАСИ
Босқичлар
|
Субъектлар
|
Чора-тадбирлар
|
Бажариш муддатлари
|
|||
1-босқич |
Қурилиш ва уй-жой коммунал хўжалиги вазирлиги
|
Миллий классификаторга миллий стандарт ва қурилиш нормаларидаги ўзгартиришлар асосида янги ресурсни киритиш |
Доимий равишда |
|||
2-босқич |
Қурилиш ва уй-жой коммунал хўжалиги вазирлиги
|
"Шаффоф қурилиш" миллий ахборот тизимида Миллий классификатор ва электрон каталог платформаси (кейинги ўринларда - Платформа)ни яратиш ва тегишли вазирликлар ва идоралар билан интеграция қилиш |
Бир ҳафта давомида |
|||
3-босқич |
Товар-хом ашё биржаси |
Товар-хом ашё биржасида шаклланган қурилиш ресурслари нархлари бўйича ҳафталик котировкаларни автоматик тарзда Платформада акс эттириш
|
Доимий |
|||
4-босқич |
Божхона қўмитаси |
Республика ҳудудига олиб кирилиб, "эркин муомалага чиқариш" божхона режимига жойлаштирилган қурилиш материаллари тўғрисидаги маълумотларни "Электрон ҳукумат" тизимининг Рақамли маълумотлар платформаси орқали "БЮД тўғрисидаги маълумотлар базаси" ахборот тизими орқали Платформада акс эттириш
|
Доимий |
|||
5-босқич |
Тадбиркорлик субъектлари |
Платформада ЭРИ орқали рўйхатдан ўтиб қурилиш ресурслари бўйича техник ва нарх параметрлари бўйича эълонларни жойлаштириш, ўзгартириш ва қўшимчалар киритиш
|
Доимий |
|||
6-босқич |
Иқтисодиёт ва молия вазирлиги |
Давлат харидлари электрон тизимидан қурилиш ресурсларига оид маълумотларни автоматик тарзда Платформада акс эттириш
|
Доимий |
|||
7-босқич |
Солиқ қўмитаси |
Маҳсулотларнинг ягона электрон каталогидан қурилиш ресурсларига оид маълумотларни автоматик тарзда Платформада акс эттириш
|
Доимий |
|||
8-босқич |
Статистика агентлиги |
Тизимларни интеграция қилиш орқали 12-нарх (саноат) шакли (ойлик). Ишлаб чиқарувчиларнинг саноат маҳсулотлари нархлари тўғрисида ҳисоботи асосида қурилиш ресурслари номи, ўлчов бирлиги, тегишли даврдаги нарх кўрсаткичларини акс эттириш
|
Ҳисобот даврида |
|||
9-босқич |
Ўзбекистон техник жиҳатдан тартибга солиш агентлиги |
Тизимларни интеграция қилиш орқали қурилиш материаллари бўйича мувофиқлик сертификатларини белгиланган стандартлар асосида уларнинг техник параметрлари кўрсаткичларини автоматик тарзда Платформада акс эттириш
|
Доимий |
|||
2024 йил 23 апрелдаги
231-сон қарорига
5-ИЛОВА
Қурилиш жараёнларига лойиҳа бошқарувининг
рақамли тизимини жорий этиш
СХЕМАСИ
Босқичлар
|
Субъектлар
|
Чора-тадбирлар
|
Бажариш муддатлари
|
|||
1-босқич |
Институт |
Объектларни BIM технологиялари асосида лойиҳалаштириш учун BIM-сервер ва унга "Лойиҳа бошқаруви тизими" дастурий-техник мажмуани жойлаштиришни ташкил этиш
|
Тизим ишга тушгандан сўнг бир ой муддатда |
|||
2-босқич |
Қурилиш ва уй-жой коммунал хўжалиги вазирлиги
|
Қуриладиган объектларни рўйхатдан ўтказиш |
24 соат давомида |
|||
3-босқич |
Қурилиш ва уй-жой коммунал хўжалиги вазирлиги |
Лойиҳа ташкилотларига тизимга уланиш учун рухсат бериш |
Буюртмачи билан шартнома имзоланган кундан 24 соат давомида
|
|||
4-босқич |
Лойиҳа ташкилотлари |
Лойиҳа бошқаруви тизимида объектларнинг рақамли моделларини лойиҳалаштириш
|
Шартномада белгиланган муддатда |
|||
5-босқич |
Қурилиш ва уй-жой коммунал хўжалиги вазирлиги
|
Лойиҳа бошқаруви тизимида лойиҳаланган объектларнинг моделларини рақамли ҳолда экспертизадан ўтказиш |
Шартномада белгиланган муддатда |
|||
6-босқич |
Қурилиш ва уй-жой коммунал хўжалиги вазирлиги |
Қурилиш-пудрат ташкилотларига тизимга кириш ва ишлаш учун рухсат бериш |
Шартнома расмийлаштирилган кундан 24 соат давомида
|
|||
7-босқич |
Қурилиш ва уй-жой коммунал хўжалиги вазирлиги |
Қурилаётган объектларда қурилиш-пудрат ташкилотлари томонидан қурилиш-монтаж ишларининг амалда бажарилишини реал вақт режимида кузатиб бориш учун масъул раҳбарларга рухсат бериш
|
Ўрнатилган тартибда, сўровга кўра |
|||
8-босқич |
Қурилиш-пудрат ташкилоти, лойиҳа ташкилоти, буюртмачи, қурилиш ва уй-жой коммунал хўжалиги соҳасида ҳудудий назорат инспекцияси
|
Объектнинг қурилиш сифати ва муддатини назорат қилиб бориш |
Объект фойдаланишга топширилгунга қадар, ўрнатилган тартибда |
|||
Қонун ҳужжатлари маълумотлари миллий базаси (www.lex.uz),
2024 йил 24 апрель