Соғлиқни сақлаш вазирининг 05.06.2024 й. 17-сон "Шошилинч тиббий ёрдам кўрсатиш учун транспорт воситасининг салонида бўлиши шарт бўлган зарур тиббий ашёлар рўйхатини тасдиқлаш тўғрисида"ги буйруққа ўзгартиришлар киритиш ҳақида"ги Буйруғи (АВ томонидан 19.06.2024 й. 2241-1-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

19.06.2024 й.

N 2241-1

ЎЗБЕКИСТОН РЕСПУБЛИКАСИ

СОҒЛИҚНИ САҚЛАШ ВАЗИРИНИНГ

05.06.2024 й.

N 17

БУЙРУҒИ

"Шошилинч тиббий ёрдам кўрсатиш учун транспорт

воситасининг салонида бўлиши шарт бўлган зарур

тиббий ашёлар рўйхатини тасдиқлаш тўғрисида"ги

буйруққа ўзгартиришлар киритиш ҳақида

Ўзбекистон Республикаси "Йўл ҳаракати тўғрисида"ги Қонунининг 47-моддасига мувофиқ БУЮРАМАН:

1. Ўзбекистон Республикаси соғлиқни сақлаш вазирининг 2011 йил 22 июндаги 178-сон "Шошилинч тиббий ёрдам кўрсатиш учун транспорт воситасининг салонида бўлиши шарт бўлган зарур тиббий ашёлар рўйхатини тасдиқлаш тўғрисида"ги буйруғига (рўйхат рақами 2241, 2011 йил 5 июль) (Ўзбекистон Республикаси қонун ҳужжатлари тўплами, 2011 й., 27-сон, 287-модда) иловага мувофиқ ўзгартиришлар киритилсин.

2. Мазкур буйруқ Ўзбекистон Республикаси Ички ишлар вазирлиги билан келишилган.

3. Мазкур буйруқ 2024 йил 21 июль кунидан эътиборан кучга киради.

Вазир                                                                            А. Худаяров

Буйруққа

ИЛОВА

"Шошилинч тиббий ёрдам кўрсатиш учун транспорт

воситасининг салонида бўлиши шарт бўлган зарур

тиббий ашёлар рўйхатини тасдиқлаш тўғрисида"ги

буйруққа киритилаётган ўзгартиришлар

1. Буйруқда:

а) номи ва 1-банддаги "Шошилинч тиббий" деган сўзлар "Бирламчи шошилинч" деган сўзлар билан алмаштирилсин;

б) муқаддимадаги "Йўл ҳаракати хавфсизлиги тўғрисида"ги Қонунининг (Ўзбекистон Республикаси Олий Мажлисининг Ахборотномаси, 1999 й., 9-сон, 215-модда) 17-моддасига" деган сўзлар "Йўл ҳаракати тўғрисида"ги Қонунининг 47-моддасига" деган сўзлар билан алмаштирилсин.

2. Рўйхатда:

а) номидаги "Шошилинч тиббий" деган сўзлар "Бирламчи шошилинч" деган сўзлар билан алмаштирилсин;

б) 3-бобдан 1-позиция чиқариб ташлансин.

Қонун ҳужжатлари маълумотлари миллий базаси (www.lex.uz),

2024 йил 19 июнь