Молия вазирининг 23.07.2005 й. 67-сон "Ўзбекистон Республикаси орден ва медаллари билан мукофотланган шахсларга бир йўла тўланадиган пул мукофотларини тўлашга маблағларни ажратиш тартиби тўғрисидаги низомни тасдиқлаш ҳақида"ги Буйруғи (АВ томонидан 05.08.2005 й. 1505-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

05.08.2005 й.

N 1505

ЎЗБЕКИСТОН РЕСПУБЛИКАСИ

МОЛИЯ ВАЗИРИНИНГ

23.07.2005 й.

N 67

БУЙРУҒИ

Ўзбекистон Республикаси орден ва медаллари билан

мукофотланган шахсларга бир йўла тўланадиган пул

мукофотларини тўлашга маблағларни ажратиш

тартиби тўғрисидаги низомни тасдиқлаш ҳақида

(2005 йил 15 августдан кучга киради)

Ўзбекистон Республикасининг 2003 йил 30 августдаги 535-II-сонли "Ўзбекистон Республикасининг бир қатор қонун ҳужжатларига ўзгартиришлар ва қўшимчалар киритиш тўғрисида"ги Қонуни (Ўзбекистон Республикасининг қонун ҳужжатлар тўплами" 2003 йил, 20-сон) ижросини таъминлаш мақсадида БУЮРАМАН:

1. Илова қилинган "Ўзбекистон Республикаси орден ва медаллари билан мукофотланган шахсларга бир йўла тўланадиган пул мукофотларини ажратиш тартиби тўғрисида"ги Низом (янги таҳрирда) тасдиқлансин.

2. Ушбу буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кундан кейин кучга киради.

3. Мазкур буйруқ кучга кирган кундан бошлаб Ўзбекистон Республикаси Молия вазирлигининг 1997 йил 24 декабрдаги "Ўзбекистон Республикаси орден ва медаллари билан мукофотланган шахсларга бир йўла тўланадиган пул мукофотларини тўлашга маблағларни ажратиш тўғрисида"ги тартиби (1997 йил, 30 декабр, рўйхат рақами 386) ўз кучини йўқотган деб ҳисоблансин.

Молия вазири                                                                   С. Раҳимов

"Ўзбекистон Республикаси қонун ҳужжатлари тўплами", 2005 йил, 32-33-сон, 257-модда.