Масофадан туриб ишлайдиган чет элликлар учун банкет харажатлари вакиллик харажатларига кирадими

Ташкилотда чет элликлар масофадан туриб ишлайди. Улар янги йил корпоративида қатнашиш учун таклиф қилинди. Бунинг учун уларнинг Ўзбекистонга келиши ва банкет харажатлари тўлаб берилди. Ушбу харажатларни вакиллик харажатларига киритиш мумкинми?

Buxgalter.uz тушунтиради:

– Вакиллик харажатларига вакилларнинг (қатнашчиларнинг) расмий қабули (нонушта, тушлик ёки шунга ўхшаш тадбирлар)ни ўтказиш, уларнинг транспорт таъминоти, музокаралар вақтида буфет хизматларини кўрсатиш, ташкилот штатида бўлмаган таржимон хизматига ҳақ тўлаш билан боғлиқ бўлган харажатлар киради .

Кенгроқ маънода вакиллик харажатлари – бу ташкилот ҳамкорлик ўрнатадиган ёки қўллаб-қувватлайдиган шахсларни, шунингдек, ташкилотнинг бошқарув ва назорат органлари мажлисларига келадиган иштирокчиларни қабул қилиш ва уларга хизмат кўрсатиш харажатларидир.

Ташкилот ходимлари, шу жумладан масофадан туриб ишлайдиган ходимлар ташкилот улар билан ишбилармонлик ҳамкорлигини ўрнатадиган ёки қўллаб-қувватлайдиган шахслар ҳисобланмайди. Шу боис уларнинг корпоратив тадбирларда қатнашиш харажатлари вакиллик харажатларига киритилмайди.

Buxgalter.uz тавсия қилади

 

• Маъмурий харажатларни қандай шакллантириш мумкин;
• Фойда солиғи ҳисоб-китобида харажатларни моддалар бўйича қандай акс эттириш керак;
• Чегириб ташланмайдиган харажатларни қандай аниқлаш керак.