Онлайн давлат рўйхатидан ўтказганлик учун пасайтирилган ставкалар бекор қилинди

22 мая 2020 г.

«Давлат божи тўғрисида»ги Қонунга ўзгартириш ва қўшимчалар киритилди .

«Прописка».

Ҳудудларда доимий яшаш жойларида рўйхатга олинган шахслар учун қуйидаги ҳолатларда давлат божининг оширилган ставкалари бекор қилинди:

Тошкент шаҳри ва Тошкент вилоятида янги қурилган кўчмас мол-мулк сотиб олинганда (шартнома суммасининг 5%и, бироқ 10 БҲМдан кам бўлмаган миқдорда);
ушбу кўчмас мулк 3 йил мобайнида бошқа шахсларга сотилганда (400 БҲМ).

Бундан буён иккала ҳолатда ҳам ставка умумий асосларда, уй-жой квадрат майдонига қараб ҳисобланади:

100 м² гача – 1 БҲМ;
100 м² дан 200 м² гача – 2 БҲМ;
200 м² ва ундан ортиқ бўлганда – 3 БҲМ.

Нотариат

Хусусий нотариал фаолиятни лицензиялаганлик учун давлат божи 1 БҲМ миқдорида белгиланган. У хусусий амалиёт билан шуғулланиш истагини билдирган давлат нотариал идораларининг нотариуслари томонидан тўланмайди.

Нотариал ҳаракатларни рўйхатга олиш реестридан кўчирмаларни берганлик учун давлат божи БҲМнинг 5%ини ташкил қилади.

Киритилган қоидага кўра – қуйидаги ҳолатларда давлат божи битта нотариал ҳаракатга нисбатан ундирилади:

икки ёки ундан ортиқ шахс номидан ёхуд икки ёки ундан ортиқ шахс номига берилган битта ишончномани тасдиқлашда;
икки ёки ундан ортиқ шахснинг битта аризадаги (мажбуриятдаги) имзоларини шаҳодатлашда.

Бизнесни рўйхатдан ўтказиш

Тадбиркорлик субъектларини электрон шаклда давлат рўйхатидан ўтказганлик учун (шахсан ўзи келганда 50%), шунингдек уларни қайта рўйхатдан ўтказилганлик учун (шахсан ўзи келганда ставкаларнинг 50%и, электрон шаклда – 25%и) пасайтирилган ставкалар бекор қилинди.

Бунда ҳар қандай давлат хизматини (шу жумладан лицензия, рухсатнома олиш ва давлат рўйхатидан ўтиш) ЯИДХП орқали мустақил равишда олишда умумбелгиланган ставкалар ва 10%лик чегирма сақлаб қолинди.

Бизнесни давлат рўйхатидан ўтказиш, қайта рўйхатдан ўтказиш учун долзарб давлат божи ставкалари:

Тадбиркорлик субъекти

Давлат хизматини олиш (давлат рўйхатидан ўтказиш / қайта рўйхатдан ўтказиш) тартиби

Шахсан келган ҳолда

ЯИДХП орқали

Чет эл инвестициялари иштирокидаги корхоналар

10 БҲМ

(2 230 000 сўм)

10 БҲМнинг 90%и

(2 007 000 сўм)

Суғурталовчилар ва суғурта брокерлари, аудиторлик ташкилотлари, солиқ маслаҳатчилари ташкилотлари, биржалар, ломбардлар, инвестиция фондларини, «Ўзбекозиқовқатзахира» мева-сабзавот маҳсулотларини тайёрлаш ва ғамлаш корхоналари уюшмаси таркибига кирувчи корхоналарни, бозорларни, Президент ва Ҳукуматнинг тегишли қарорлари билан акциядорлик жамиятлари (шу жумладан холдинг) шаклида ташкил этилаётган хўжалик бирлашмалари

4 БҲМ

(892 000 сўм)

4 БҲМнинг 90%и

(802 800 сўм)

Юридик шахс бўлган тадбиркорлик субъектларини, юридик шахс ташкил этмаган якка тартибдаги тадбиркорларни, юридик шахс ташкил этмаган оилавий тадбиркорлик субъектларини ҳамда юридик шахслар бирлашмалари

1 БҲМ

(223 000 сўм)

БҲМнинг 90%и

(200 700 сўм)

Қонун «Халқ сўзи» газетасида чоп этилган ва 21.05.2020 йилдан кучга кирди.

Олег ЗАМАНОВ