Ответы на ваши вопросы есть в Buxgalter Pro:
«Ходима декрет таътилидан кейин хизмат ЭРИси калитидан фойдалана олмаяпти. Унга паролни унутиб қўйганини айтяпти. Ушбу паролни қандайдир тиклаш ёки янгисини олиш мумкинми?»
Агар ЭРИ паролини унутган бўлсангиз, buxgalter.uzдан қўлланма:
Керакли тушунтиришни ўтказиб юбормаслик учун, Телеграм-каналимизга обуна бўлинг.
Эътибор беринг
Ушбу усул билан e-imzo.uz – ЭРИни рўйхатга олиш ва хизмат кўрсатиш маркази сайтида ёки ДХМда шахсан мурожаат орқали олинган калитлар учун паролни тиклаш мумкин.
1. Мy.soliq.uz сайтида юридик шахснинг шахсий кабинетига киринг. Ҳаволани босганингизда ЭРИ калитини танлаш ойнаси очилади.
2. Паролини тиклаш керак бўлган калитни танланг. Шу ойнанинг пастки қаторида «Паролни тиклаш» тугмасини босинг. Кейинги ойна ЭРИни рўйхатга олиш ва хизмат кўрсатиш маркази сайтида – e-imzo.soliq.uz да очилади.
3. Очилган сайтда (ўнг томондаги менюда) «ЭРИ паролини олиш» тугмасини босинг.
4. Расмдаги текшириш кодини киритинг, яна бир бор паролни тиклаётган ЭРИ калитингизни танланг ва «Паролни олиш» тугмасини босинг.
Парол фойдаланувчининг ҳисоб маълумотларида кўрсатилган рақамга юборилади.
Юридик шахс, якка тартибдаги тадбиркор ва жисмоний шахснинг шахсий кабинетига кириш учун ЭРИ калитининг паролини тиклаш механизмлари бир хил.
Buxgalter.uz тавсия этади:
- Директор алмашганда ЭРИси билан нима қилиш керак;
- Жисмоний шахснинг ЭРИсини лавозим мажбуриятларини бажариш учун қандай ишлатиш мумкин;
- Ташкилотни юридик шахснинг ЭРИсидан рухсатсиз фойдаланишдан қандай ҳимоя қилиш мумкин;
- Ходим бошқа лавозимга ўтганда ёки ишдан бўшатилганда унинг номига берилган ЭРИси билан нима қилиш керак;
- Аутсорсинг компаниясига ЭРИси қандай берилади.
