Всё, что важно знать бухгалтеру, – есть в Buxgalter Pro:
Ишлаб чиқарилган маҳсулотни комиссионерлар орқали сотиш – кенг тарқалган амалиёт. Бу вазиятда «инсон омили» қандай муаммоларга олиб келиши мумкин, TA-VAT бухгалтерия аутсорси асосчиси, МҲХС ва бошқарув ҳисоби бўйича тренер Александра ТОЛМАЧЁВА тушунтирди:
Экспертнинг зарур тушунтиришларини ўтказиб юбормаслик учун Телеграм-каналимизга обуна бўлинг.
– Бухгалтер – тирик инсон, у ҳам бирор нарсани билмаслиги, хато қилиши мумкин. Амалиётдан яққол мисол: бизнинг мижозимиз ўз маҳсулотини таниқли кафелар тармоғига сотиш учун топширди. Январь ойи учун навбатдаги ҚҚС-ҳисоботини текшириш ва тайёрлаш жараёнида – чеклар ва тушумни солиштириш пайтида – биз умумий овқатланиш корхонаси бу товар сотувларини, ўзининг товари сотувлари сифатида ҳисобга олганини аниқладик. Комиссионер билмасдан онлайн-НКМда ва my3.soliq.uz да керакли созлашларни қилмаган. Натижада товар сотуви бўйича барча чеклар унинг тушумига «тушиб қолган». Лекин товар комитентга тегишли-ку!
Оқибатлар: комиссионер ўз тушумини ва шунга мос равишда, ўз солиқлари бўйича солиқ базасини ошириб юборган. Комитентда эса барчаси аксинча бўлган.
Муаммолардан қочиш учун қонунчилик талабларини, бундай операцияларни онлайн-НКМ чекларида, ҳисобварақ-фактураларда ва Солиқ қўмитаси хизматларида акс эттириш тартибини ўзингиз ўрганинг. Ва – ўз комиссионерларингизга кўрсатма беришдан эринманг. Буни ишнинг бошида, олдиндан қилган яхшироқ, чунки, биринчидан, чекларни тузатиш муддатлари чекланган – ҳисобот ойидан кейинги ойнинг 20-санасигача. Иккинчидан, белгиланган муддатларда ҳам уларни ҳар доим техник жиҳатдан тузатиш имкони бўлмаслиги мумкин, чунки бу чекларга аллақачон бошқа тузатишлар киритилган бўлиши мумкин.
Buxgalter.uz тавсия қилади:
Комиссия шартномаси бўйича товарлар сотишдан тушган суммалар my3.soliq.uz сайтида рўйхатдан ўтказиш вақтида кўрсатилган комиссия шартномаси амал қилиш муддати давомида комитент ҳисоботларида акс эттирилади.
Ушбу муддат тугаганидан сўнг янги шартномани рўйхатдан ўтказиш ёки my.soliq.uz сервиси ёрдамида олдингисини узайтириш зарур.
Комиссионер бу фактни тасдиқлагандан сўнг шартнома узайтирилган ҳисобланади. Акс ҳолда, бу товарлар ва хизматларни сотишдан олинган барча тушум комиссионерлар ҳисоботларига «тушиб қолади».
Комиссионерлар ва комитентлар ўз шартномаларининг ҳолатини текширишлари мумкин. Буни қандай қилиш мумкинлигини тавсияда ўқинг >>>
Buxgalter PRO тавсиялари ҳаммасини тўғри бажаришга ёрдам беради:
