Ответы на ваши вопросы есть в Buxgalter Pro:
Корхона электромобилларни қувватлантириш хизматларини кўрсатади.
Бу фаолият тури бўйича қандай солиқлар тўланишини buxgalter.uz учун махсус Солиқ қўмитасининг Солиқ низоларини судгача ҳал қилиш бошқармаси бошлиғи Гулнора НИЗАМУТДИНОВА тушунтирди:
Эътибор беринг
Мутахассисларнинг муҳим тушунтиришларини ўтказиб юбормаслик учун Телеграм-каналимизга обуна бўлинг.
Экспертларга ўз саволларингизни бериш ва «Жавоб берамиз!» барча тайёр жавоблар базасини кўриш имкониятига эга бўлиш учун эса Buxgalter Pro дастурига киришни расмийлаштиринг.
– 2023 йил 1 январдан бошлаб 19.12.2022 й. ПҚ-444-сон 3-б.:
- тадбиркорлик субъектларига электромобилларни қувватлантириш станциялари орқали электр энергияси сотиш ҳуқуқи берилди;
- транспорт воситаларини қувватлантириш хизматларининг тарифлари (нархлари)ни субъектлар – электр энергиясининг тасдиқланган тарифларидан қатъи назар, мустақил равишда белгилайдилар.
ҚҚС
Электромобилларни қувватлантириш станциялари орқали электр энергиясини сотиш айланмаси 12% ставка бўйича ҚҚС билан солиққа тортилади СК 238–239-м. СК 258-м..
Фойда солиғи
Солиқни умумий қоидалар бўйича 15% ставкада ҳисоблаб чиқинг СК XII бўлими.
Ресурс солиқлари
Корхонангизда қуйидаги солиқлар бўйича мажбуриятлар юзага келади:
- юридик шахсларнинг мол-мулк солиғи – агар сизда солиққа тортиладиган кўчмас мулк бўлса СК 411-м.;
- ер солиғи – агар мулк, эгалик, фойдаланиш ёки ижара ҳуқуқлари асосида ер участкаларига эга бўлсангиз СК 426-м.;
- сув ресурсларидан фойдаланганлик учун солиқ – агар сув ишлатсангиз.
Айланмадан олинадиган солиқ
Агар сиз айланмадан олинадиган солиқ тўловчиси бўлсангиз, электромобилларни қувватлантириш станциялари орқали электр энергиясини сотишдан тушган даромадни жами даромадга киритинг ва 4% ставка бўйича солиққа тортинг СК 66-боб..
Эътибор беринг
Президентнинг 19.12.2022 йилдаги ПҚ-444-сон қарорининг 5-бандида 2023 йил 1 январдан 2026 йил 1 январгача қуйидаги солиқлардан озод қилиш назарда тутилган:
- юридик шахслардан олинадиган ер солиғидан – электромобилларни қувватлантириш станциялари ва автомобиль тўхташ жойлари (парковкалар) жойлашган ер участкалари;
- юридик шахсларнинг мол-мулк солиғидан – электромобилларни қувватлантириш станциялари;
- фойда солиғидан – асосий фаолият тури транспорт воситаларини қувватлантириш хизматини кўрсатиш (ушбу фаолият тури бўйича тушумнинг умумий реализация қилиш ҳажмидаги улуши 50% ва ундан юқори) бўлган тадбиркорлик субъектлари;
- айланмадан олинадиган солиқдан – транспорт воситаларини қувватлантириш хизматини кўрсатишдан олинган даромад;
- божхона божидан – рўйхатлар бўйича хориждан олиб келинадиган электромобилларни қувватлантириш станциялари, уларнинг компонентлари ва сервис инфратузилмаси учун технологик асбоб-ускуналар.
Солиқ имтиёзларини қўллаш учун улар Солиқ кодексига киритилган бўлиши керак СК 75-м..
Таҳририятдан:
Ушбу солиқ имтиёзларини қўллаш масалалари бўйича тушунтириш учун Солиқ қўмитасига мурожаат қилинг.
