140 та илғор корхонани ташкил этиш қандай қўллаб-қувватланади

Вазирлар Маҳкамасининг 26.12.2023 йилдаги “140 та илғор саноат корхонаси” дастурини амалга ошириш ва “саноат ипотекаси” тизимини жорий қилишга доир чора-тадбирлар тўғрисида”ги 684-сон қарори қабул қилинди.

“140 та илғор саноат корхонаси” дастурига киритиш учун қуйидаги йўналишлар бўйича лойиҳалар сони тасдиқланди:

• электротехника – 20;
• тўқимачилик тармоғи – 20;
• чарм-пойабзал тармоғи – 10;
• машинасозлик – 10;
• заргарлик тармоғи – 10;
• қурилиш материаллари – 20;
• мебелсозлик – 10;
• полимер, кимё – 20;
• озиқ-овқат маҳсулотлари – 20.

«140 та илғор саноат корхонаси» дастурига киритилган тадбиркорлик субъектларининг лойиҳаларини молиялаштириш учун хорижий валютада йиллик 4 фоиз, миллий валютада йиллик 10 фоиз ставкада 10 йил муддатгача кредит маблағлари ажратилиши назарда тутилган.

Лойиҳалар қандай танланади

Йирик саноат лойиҳаларини очиқ танлов асосида танлашнинг асосий мезонлари:

• лойиҳа доирасида камида 100 та янги иш ўринлари яратилиши;
• ишлаб чиқариладиган маҳсулотнинг ички бозордаги импорт улуши 50 фоиздан юқори бўлиши;
• ишлаб чиқариш технологик асбоб-ускуналарининг янги авлодга мансуб бўлиши;
• лойиҳа амалга ошириладиган туманнинг тоифасидан келиб чиқиб, лойиҳага афзаллик берилиши (тоифаси паст туманларга юқори афзаллик берилиши);
• халқаро брендлар билан ҳамкорлик шартномасига асосан ишлаб чиқариш лойиҳаларига афзаллик берилиши.

Аризалар loyiha.miit.uz сайти орқали қабул қилинади.

2024 йил 1 январдан бошлаб «саноат ипотекаси» жорий этилади

«Саноат ипотекаси» доирасида:

• тадбиркорлик субъектларига ер участкалари (ишлаб чиқариш майдонлари) қурилиш учун тегишли рухсатномалар ва лойиҳа ҳужжатлари расмийлаштирилган ҳолда, «тайёр бизнес» шаклида аукцион савдоларига чиқарилади;
• ишлаб чиқаришни ташкил этиш мақсадида бино ва иншоотлар харид қилиш учун банкларга 7 йил муддатга, 2 йилгача имтиёзли давр билан миллий валютада йиллик 10 фоиз ставкада кредитлар ажратилади. Бунда банкнинг маржаси 4 фоиз миқдорида белгиланади.

Манба