Мустақиллик кунида қандай дам оламиз

Камбағалликни қисқартириш ва бандлик вазирлиги Мустақиллик куни байрамини нишонлаш муносабати билан ўзбекистонликлар қайси кунларда дам олишларини эълон қилди.

Хабарда алоҳида сюрпризлар йўқ, лекин барибир сентябрь ойи учун ишланмайдиган кунлар ва иш вақти нормаси билан боғлиқ вазиятни аниқлаштирамиз:

Демак:

1) 5 кунлик иш ҳафтаси шароитида ишловчи ходимлар кетма-кет 3 кун дам оладилар: 30 август (шанба), 31 август (якшанба) ва 1 сентябрь (байрам куни);

2) 6 кунлик иш ҳафтасида ишловчи ходимлар 2 кун дам оладилар: 31 август (якшанба) ва 1 сентябрь (байрам куни).

Қўшимча дам олиш кунлари белгиланмаган ва дам олиш кунларини кўчириш амалга оширилмаган.

2025 йил учун (ва хусусан сентябрь ойи учун) иш кунлари сони ва иш вақти нормаларини бу ерда аниқлаштириш мумкин:

Сентябрда иш кунлари:

• 5 кунлик иш ҳафтасида – 21;
• 6 кунлик иш ҳафтасида – 25.

Дам олиш кунлари:

• 5 кунлик иш ҳафтасида – 9;
• 6 кунлик иш ҳафтасида – 5.

Иш соатлари нормаси:

• 5 кунлик 40 соатлик иш ҳафтаси: 167 соат;
• 6 кунлик 40 соатлик иш ҳафтаси: 166 соат;
• 6 кунлик 36 соатлик иш ҳафтаси: 149 соат.

Байрам ва байрамолди кунлар:

• 2025 йил 1 сентябрь, душанба, – Мустақиллик куни, барча учун ишланмайдиган байрам куни.
• 2025 йил 30 сентябрь – "Ўқитувчи ва мураббийлар куни" байрами арафасидаги байрамолди қисқартирилган иш куни.