ҚҚС бўйича бир қатор имтиёзлар бекор қилинди

28.12.2023 йилдаги ЎРҚ-891-сонли Қонун ҚҚС бўйича бир қатор имтиёзларни бекор қилди.

2024 йил 1 апрелдан бошлаб ҚҚС бўйича қуйидаги имтиёзлар бекор қилинади:

• реализация қилишда :

1) тиббий хизматлар. Тиббий хизматларга, хусусан, қуйидагилар киради:

– тиббий ёрдам ва санитария хизматлари;
– диагностика, профилактика ва даволаш хизматлари;
– стоматологик хизматлар, шу жумладан тиш протезлари;

2) ветеринария хизматлари. Ветеринария хизматларига, хусусан, қуйидагилар киради:

– ветеринария хизматлари, ҳайвонларни ташхислаш ва даволаш бўйича хизматлар;
– аҳолини ҳайвонлар ва одамлар учун умумий касалликлардан ҳимоя қилиш;
– Ўзбекистон ҳудудини ҳайвонларнинг юқумли касалликлари кириб келишидан ҳимоя қилиш;
– давлат ветеринария хизмати томонидан назорат қилинадиган товарларнинг ветеринария ва ветеринария-санитария хавфсизлигини таъминлаш;

3) дори-дармонлар, шу жумладан ветеринария, тиббий ва ветеринария учун мўлжалланган буюмлар;

• Дори воситалари, шу жумладан ветеринария дори воситалари, тиббиёт ва ветеринария учун мўлжалланган буюмларни, шунингдек уларни ишлаб чиқариш учун хом ашёни олиб киришда .

Вазирлар Маҳкамаси томонидан тасдиқланган рўйхатга кўра 76 турдаги дори воситалари ва тиббий буюмлар импорт қилинганда ҚҚС солинади .  Бунда чакана савдода барча турдаги дори воситалари ва тиббий маҳсулотларнинг реализацияси бўйича айланма ҚҚСдан озод қилинган. Натижада импорт қилинганда тўланган ҚҚС ҳисобга олинмаган, бу эса дори воситалари ва тиббий маҳсулотлар нархининг ошишига олиб келган.

Дори воситаларининг импорти ва чакана савдосига ҚҚСнинг жорий этилиши уларнинг ҳақиқий нархини солиқ ҳисоботларида акс эттириш ва сунъий оширилган нархларда сотишнинг олдини олиш имконини беради.

2024 йил 1 апрелдан бошлаб аҳолига сув таъминоти, канализация, санитария жиҳатдан тозалаш  ва иссиқлик таъминоти бўйича кўрсатиладиган коммунал хизматлар учун ноль ставкали ҚҚС ҳам бекор қилинади. У қуйидагилар томонидан сотиб олинадиган коммунал хизматлар бўйича ҳам қўлланилмайди:

– Уй-жой мулкдорлари ширкатлари томонидан аҳоли номидан;
– идоравий уй-жой фонди уйларида яшаётган аҳоли учун Ўзбекистон Республикаси Мудофаа вазирлигининг ва Ўзбекистон Республикаси Миллий гвардиясининг бўлинмалари томонидан .

Шундай қилиб, юридик ва жисмоний шахсларга тақдим этиладиган коммунал хизматларга солиқ солиш тартиби ўгартирилмоқда.

Ўзгартириш давлат бюджети маблағларидан самарасиз фойдаланишнинг олдини олишга қаратилган.