Вазирликлар, идоралар, корхоналар ва ташкилотлар ходимлари Ўзбекистон Республикаси ташқарисига хизмат сафарига юборилганда хизмат сафари харажатлари учун маблағлар бериш Тартиби (АВ томонидан 05.06.2000 й. 932-сон билан рўйхатга олинган, МВ томонидан 07.02.2000 й. 16-сон билан тасдиқланган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

05.06.2000 й.

N 932

ЎЗБЕКИСТОН РЕСПУБЛИКАСИ

МОЛИЯ ВАЗИРЛИГИ ТОМОНИДАН

ТАСДИҚЛАНГАН

07.02.2000 й.

N 16

ЎЗБЕКИСТОН РЕСПУБЛИКАСИ

МАРКАЗИЙ БАНКИ БИЛАН

07.02.2000 й.

N 15-8-В

КЕЛИШИЛГАН

Мазкур Тартиб рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Вазирликлар, идоралар, корхоналар ва ташкилотлар

ходимлари Ўзбекистон Республикаси ташқарисига

хизмат сафарига юборилганда хизмат сафари

харажатлари учун маблағлар бериш

ТАРТИБИ

I. УМУМИЙ ҚОИДАЛАР

1.1. Мазкур Тартиб Вазирлар Маҳкамасининг "Вазирликлар, идоралар ва бошқа республика органлари ходимларининг чет эл хизмат сафарларига боришини тартибга солиш чора-тадбирлари тўғрисида" 1999 йил 9 сентябрдаги 417-сон қарорининг 9-бандига мувофиқ ишлаб чиқилган ҳамда вазирликлар, идоралар ва мулкчилик шаклидан қатъи назар корхоналар ва ташкилотлар ходимлари Ўзбекистон Республикаси ташқарисига хизмат сафарига юборилганда хизмат сафари харажатлари учун маблағлар бериш тартибини белгилайди.

Мазкур Тартибдаги "ташкилот" атамаси барча мулкчилик шаклидаги вазирликлар, идоралар, корхоналар ва ташкилотларни англатади.

1.2. Хизмат сафари харажатларига қуйидагилар киради:

- суткали харажатлар;

- яшаш учун (турар жой ижараси бўйича) харажатлар;

- транспорт харажатлари (таксидан ташқари);

- вакиллик харажатлари;

- кўзда тутилмаган харажатлар;

- мазкур Тартибга мувофиқ қопланиши лозим бўлган хизмат сафарининг бошқа харажатлари.

1.3. Ўзбекистон Республикаси ташқарисига хизмат сафарларига юборилганда суткали харажатлар ва яшаш учун (турар жой ижараси бўйича) харажатлар чет эл валютасида мазкур Тартибнинг 1-сон иловасида (кейинги ўринларда - 1-илова) кўрсатилган меъёрлар асосида тўланади. 

1.4. Хизмат сафарига юбориладиган айрим тоифадаги шахсларга суткали меъёрларга қўшимчалар мазкур Тартибнинг 2-сон иловасига мувофиқ чет эл валютасида тўланади.

II. СУТКАЛИ ХАРАЖАТЛАРНИ ТЎЛАШ

2.1. Суткали харажатлар хизмат сафаридаги ҳар бир кун, жумладан жўнаб кетиш ҳамда етиб келиш куни учун белгиланган меъёрларда 100% миқдорда чет эл валютасида тўланади.

Ўзбекистон Республикаси чегарасини кесиб ўтиш куни хизмат сафарига