Тошкент вилояти ҳокимининг 07.11.2006 й. 272-сон "Вилоят ҳудудида қўлланадиган ижара ҳақининг ягона ставкалари тўғрисида"ги Қарори

ТОШКЕНТ ВИЛОЯТИ ҲОКИМИНИНГ

ҚАРОРИ

07.11.2006 й.

N 272

ВИЛОЯТ ҲУДУДИДА ҚЎЛЛАНАДИГАН

ИЖАРА ҲАҚИНИНГ ЯГОНА СТАВКАЛАРИ

ТЎҒРИСИДА

Ўзбекистон Республикаси “Ижара тўғрисида”ги Қонуни, Фуқаролик кодекси талабларига, кейинги вақтда вилоятдаги бино-иншоотларга бўлган эҳтиёжнинг ва нарх-навонинг ошишини инобатга олган ҳолда, вилоятдаги бино ва иншоотларни тартибга солиш, кутилаётган харажатлар билан корхона ва ташкилотларнинг ижара ҳақидан тушадиган даромадларни бир русумга солиш ва улардан оқилона фойдаланиш мақсадида ҚАРОР ҚИЛАМАН:

1. Тошкент вилоятида ижара ҳақининг ягона энг кам миқдордаги ставкалари 1-иловага, корхона ва ташкилотларга нисбатан қўлланиладиган имтиёзли ижара ҳақи ставкалари 2-иловага ҳамда ҳудудий зоналар рўйхати 3-иловага мувофиқ тасдиқлансин.

2. Вилоят ҳудудида қўлланиладиган ягона энг кам миқдордаги ижара ҳақи ставкалари 2006 йил 1 ноябрдан кучга кирган деб ҳисоблансин.

3. Вилоят Бинолардан фойдаланиш бошқармаси (А.Сайдуллаев)га вилоятда ҳозирги кунда ишлатилмай бўш ётган бино ва иншоотларни, асбоб-ускуналарни аниқлаб, тадбиркорлик субъектларига белгиланган тартибда ижарага бериб, ишчи ўринларини яратиш вазифаси юклатилсин ва ҳар ойда қилинган ишлар юзасидан вилоят ҳокимлигига ҳисобот бериши белгилансин.

4. Белгилаб қўйилсинки, ижара ҳақидан тўланадиган тўловларни ўз вақтида ўтказилиши бўйича бино эгалари Ўзбекистон Республикаси Президентининг 1998 йил 4 февралдаги ПФ-1938-сонли Фармонига асосан шахсан масъулдир.

5. Вилоят ҳокимининг 2004 йил 29 ноябрдаги 207-сонли қарори билан тасдиқланган 1-сонли иловаси ўз кучини йўқотган деб ҳисоблансин.

6. Ушбу қарорнинг бажарилишини назорат қилиш вилоят ҳокимининг биринчи ўринбосари З.Ниязов зиммасига юклатилсин.

Вилоят ҳокими                                                                        М. Куччиев

Тошкент вилояти ҳокимининг

2006 йил 7 ноябрдаги

272-сон қарорига

1-ИЛОВА

Тошкент вилоятидаги қўлланиладиган ижара ҳақининг

ЯГОНА ЭНГ КАМ МИҚДОРДАГИ СТАВКАЛАРИ

Ижара ҳақи ставкаларига қўлланиладиган

оширувчи коэффициент:

Маъмурий бинонинг ҳолати ва қурилиш турига қўлланиладиган коэффициентлар:

1-Ҳудудий зоналар коэффициенти (Зк):

Биринчи, иккинчи ва учинчи гуруҳлардаги шаҳар, туманларда 1.2 дан 2.5 гача, тўртинчи гуруҳда 1.2 дан 1.5 гача оширувчи коэффициентлар мавжуд (вилоят ҳудуди зоналари рўйхати илова қилинади).

1-Бинонинг қурилишига кўра тури (Кк)

- алоҳида турган бино - 1,5

- бинога тақаб қурилган - 1,0

- бинонинг устки қисми, чердак, мансарда - 0,7

- ярим ертўла, ертўла - 0,5

2-Ёндош ҳудудидан фойдаланиш коэффициенти (Кх):

- ер майдони мавжуд бўлганда - 0,7

3-Тижорат йўлида фойдаланишда қулайлиги (Кт)

- асосий қатнов йўлларида жойлашгани - 0,5

- иккинчи даражали транспорт қатнови йўлларига чиқиш жойи - 0,4

Бинонинг ҳолати ва қурилиш турига кўра қўлланиладиган коэффициентлар қўшилади.

Ижара ҳақини ҳисоблашда ижара ҳақининг таянч ставкаси қуйидагича аниқланади:

Тс = Бс х Зк х (Кк + Кх + Кт)

бунда:

Тс- бир йилга 1 кв.м. учун ижара ҳақининг таянч ставкаси;

Бс - 1-иловага мувофиқ корхонанинг фаолият турига кўра бир йилга 1 кв.м. учун энг кам ставкаси.

Тошкент вилояти ҳокимининг

2006 йил 7 ноябрдаги

272-сон қарорига

2-ИЛОВА

Ташкилот, муассаса ва корхоналарга

қўлланиладиган имтиёзли ижара ҳақи

ставкалари

-------------------------

Изоҳ:  Фойдаланиш харажатлари (ижарачилардан пул йиғиш) ҳамда коммунал хизмат харажатларини қоплаш, бинонинг тасарруф эгаси томонидан ижарачилардан алоҳида (шу жумладан ижара ҳақидан озод қилинганлардан ҳам) ижара ҳақидан ташқари.

а) Фойдаланиш учун харажатлар (ижарачилардан пул йиғиш) ҳамда коммунал хизмат харажатларини қоплаш, бинонинг тасарруф эгаси томонидан ижарачилардан алоҳида йиғилади;

б) Тошкент вилояти шаҳар ва туман ҳокимларининг структура бўлинмалари ҳисобланган ижарачиларга, маҳалла қўмиталари, Давлат бюджетидан тўла таъминланадиган ташкилотлар, корхоналар ва муассасалар, уларнинг қошида очилган хўжалик ҳисобидаги ташкилотларга оширувчи коэффициентлар қўлланилмайди;

в) Кўрсатилган ижара ҳақи ставкаларига қўшилган қиймат солиғи ва ер солиғи киритилмаган бўлиб, Ўзбекистон Республикаси амалдаги қонунларига асосан маълум даражадаги ижарачилар томонидан тўланади;

г) Уй-жой муҳандислик-коммунал қурилмаларини қайта тиклаш зарур бўлган ертўла, бино ва иншоотларини таъмирлаш, қайта тиклаш, уй-жой режасини қайта бажариш ишлари ижарачи ҳисобидан бажарилган тақдирда, бажарилган ишлар учун ажратилган маблағ миқдорига қараб, 4 (тўрт) мартагача камайтириш коэффициенти қўлланиши мумкин;

д) Марказлаштирилган тартибда (нарх-навонинг ўзгаришини ҳисобга олган ҳолда) ижара ҳақи ва коммунал тўловларига индексация коэффициентлари жорий қилинган пайтда ижарачига ижарага берувчи (Бинонинг тасарруф эгаси) томонидан ёзма равишда хабар қилади. Бинолардан фойдаланиш бошқармаси томонидан ижара ҳақига ўзгартиришлар киритилади ва ижарачи шартномада кўрсатилган муддатларга асосан керакли тўловларни бажаради.

Тошкент вилояти ҳокимининг

2006 йил 7 ноябрдаги

272-сон қарорига

3-ИЛОВА