Ўзбекистон Республикаси Вазирлар Маҳкамасининг 02.02.1995 й. 26-сон "МДҲ мамлакатлари билан ўзаро ҳисоб-китоб масалаларини мувофиқлаштирувчи шўъба ташкил этиш тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

02.02.1995 й.

N 26

МДҲ МАМЛАКАТЛАРИ БИЛАН ЎЗАРО

ҲИСОБ-КИТОБ МАСАЛАЛАРИНИ

МУВОФИҚЛАШТИРУВЧИ ШЎЪБА

ТАШКИЛ ЭТИШ ТЎҒРИСИДА

Ҳукуматлараро тузилган битимларнинг ўз вақтида ижро этилиши ва хом ашё, маҳсулот ҳамда халқ истеъмол товарлари етказиб бериш бўйича МДҲ мамлакатлари билан ўзаро ҳисоб-китобларни ташкил этиш масалаларини тезкорлик билан ҳал этиш юзасидан амалий назоратни таъминлаш мақсадида Вазирлар Маҳкамаси ҚАРОР ҚИЛАДИ:

1. Вазирлар Маҳкамасининг Ресурслар, моддий-техника таъминоти ва битимлар бўлими таркибида МДҲ мамлакатлари билан ўзаро ҳисоб-китоб масалаларини мувофиқлаштирувчи 4 кишидан иборат шўъба тузилсин, шу жумладан:

Бўлим мудирининг ўринбосари -

Шўъба мудири - 1

Катта эксперт - 1

Эксперт - 1

Инспектор - 1

2. Шўъбага қуйидаги асосий вазифаларни ҳал этиш юклансин: МДҲ мамлакатлари билан тузилган ҳукуматлараро битимларнинг ўз вақтида бажарилишини назорат қилиш, МДҲ мамлакатлари томонидан ўзаро етказиб бериладиган маҳсулотлар учун ҳисоб-китобларни ташкил этиш масалаларини тезкорлик билан ҳал этиш; кўрсатиб ўтилган масалалар юзасидан жорий ва умумлаштирувчи ахборотларни тайёрлаш.

3. Бош вазирнинг Биринчи ўринбосари И.Ҳ.Жўрабеков янги шўъба ташкил этилишини ҳисобга олиб, бир ҳафта муддатда Ресурслар, моддий-техника таъминоти ва битимлар бўлими тўғрисидаги Низомни тасдиқласин.

Вазирлар Маҳкамасининг Раиси                                           И. Каримов