Ўзбекистон Республикаси Олий Мажлисининг 30.08.1996 й. 282-I-сон "Ўзбекистон Республикаси прокуратура органларининг ходимларини рағбатлантириш ва уларнинг интизомий жавобгарлиги тўғрисидаги низомни тасдиқлаш тўғрисида"ги Қарори
ЎЗБЕКИСТОН РЕСПУБЛИКАСИ
ОЛИЙ МАЖЛИСИНИНГ
ҚАРОРИ
30.08.1996 й.
N 282-I
ЎЗБЕКИСТОН РЕСПУБЛИКАСИ
ПРОКУРАТУРА ОРГАНЛАРИНИНГ ХОДИМЛАРИНИ
РАҒБАТЛАНТИРИШ ВА УЛАРНИНГ ИНТИЗОМИЙ
ЖАВОБГАРЛИГИ ТЎҒРИСИДАГИ НИЗОМНИ
ТАСДИҚЛАШ ҲАҚИДА
"Прокуратура тўғрисида"ги Ўзбекистон Республикаси Қонунининг 51-моддасига мувофиқ, Ўзбекистон Республикаси Олий Мажлиси қарор қилади:
1. Ўзбекистон Республикаси прокуратура органларининг ходимларини рағбатлантириш ва уларнинг интизомий жавобгарлиги тўғрисидаги Низом тасдиқлансин (илова қилинади).
2. Ўзбекистон Республикаси Олий Кенгаши 1992 йил 9 декабрда қабул қилган Қарорнинг Ўзбекистон Республикаси прокуратура идоралари ходимларини рағбатлантириш ва уларнинг интизомий жавобгарлиги тўғрисидаги Низомни тасдиқлашга доир қисми (Ўзбекистон Республикаси Олий Кенгашининг Ахборотномаси, 1993 йил, N 1, 31-модда) ўз кучини йўқотган деб ҳисоблансин.
Ўзбекистон Республикаси
Олий Мажлисининг Раиси Э. Халилов
"Ўзбекистон Республикаси Олий Мажлиси Ахборотномаси", 1996 й., N 9, 145-модда