Парвозлар хавфсизлигини назорат қилиш давлат инспекцияси бошлиғининг 30.01.2008 й. 16-сон "Ўзбекистон Республикасининг Авиация қоидалари "Ўзбекистон Республикаси фуқаро авиациясида учиш ишларини ташкил этиш бўйича Қоидалар"ни (ЎзР АҚ-92) тасдиқлаш тўғрисида"ги Буйруғи (АВ томонидан 26.02.2008 й. 1773-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

26.02.2008 й.

N 1773

ЎЗБЕКИСТОН РЕСПУБЛИКАСИ

ПАРВОЗЛАР ХАВФСИЗЛИГИНИ НАЗОРАТ

ҚИЛИШ ДАВЛАТ ИНСПЕКЦИЯСИ

БОШЛИҒИНИНГ

30.01.2008 й.

N 16

БУЙРУҒИ

Ўзбекистон Республикасининг Авиация қоидалари

"Ўзбекистон Республикаси фуқаро авиациясида учиш

ишларини ташкил этиш бўйича қоидалар"ни

(ЎзР АҚ-92) тасдиқлаш тўғрисида

(2008 йил 7 мартдан кучга киради)

Ўзбекистон Республикаси фуқаро авиациясининг фаолиятини тартибга солувчи норматив ҳужжатларини такомиллаштириш ва уларни Халқаро фуқаро авиацияси ташкилоти (ИКАО) стандартлари ва тавсияларига мувофиқлаштириш мақсадида БУЮРАМАН:

1. Ўзбекистон Республикаси фуқаро авиациясида учиш ишларини ташкил этиш бўйича қоидалар (ЎзР АҚ-92) иловага мувофиқ тасдиқлансин.

2. Мазкур буйруқ Ўзбекистон Республикаси Адлия вазирлигида рўйхатдан ўтказилгандан кейин ўн кун ўтгач амалга киритилсин.

3. Мазкур Қоидалар амалга киритилган вақтдан бошлаб "Дававианазорат" инспекцияси бошлиғининг 1999 йил 8 ноябрдаги 163-сон "Ўзбекистон Республикаси фуқаро авиациясида парвоз ишларини ташкил этиш бўйича қўлланмани тасдиқлаш тўғрисида"ги буйруғи ўз кучини йўқотган деб ҳисоблансин.

Парвозлар хавфсизлигини назорат

қилиш давлат инспекцияси бошлиғи                                     Ҳ. Тробов

"Ўзбекистон Республикаси қонун ҳужжатлари тўплами", 2008 йил, 8-9-сон, 50-модда.