ЎзР Президентининг "Болалар мусиқа ва санъат мактабларининг моддий-техник базасини мустаҳкамлаш ва уларнинг фаолиятини янада яхшилаш бўйича 2009-2014 йилларга мўлжалланган Давлат дастури тўғрисида"ги 2008 йил 8 июлдаги Қарорига Шарҳ

Ўзбекистон Республикаси Президентининг

“Болалар мусиқа ва санъат мактабларининг

моддий-техник базасини мустаҳкамлаш ва

уларнинг фаолиятини янада яхшилаш бўйича

2009-2014 йилларга мўлжалланган Давлат дастури

тўғрисида”ги 2008 йил 8 июлдаги Қарорига

ШАРҲ

Мамлакатимизда мустақилликнинг дастлабки йилларидан бошлаб ёш авлод истеъдодини ҳар томонлама ривожлантириш ва маданий даражасини ошириш масалаларига катта эътибор қаратиб келинмоқда. Ўзбекистон Республикаси Президентининг “Болалар мусиқа ва санъат мактабларининг моддий-техник базасини мустаҳкамлаш ва уларнинг фаолиятини янада яхшилаш бўйича 2009-2014 йилларга мўлжалланган Давлат дастури тўғрисида” қабул қилинган қарори ушбу сиёсатнинг ёрқин ифодасидир.

Қабул қилинган ушбу Дастур келгусида фарзандларимизнинг истеъдоди ва қобилиятини ривожлантириш, ёшларнинг миллий ва жаҳон мусиқалари ҳамда тасвирий санъат намуналаридан кенг баҳраманд бўлиши учун қулай шарт-шароит яратишга қаратилган. Ушбу Дастур моҳият эътибори билан мамлакатимизда бошланғич мусиқий