Молия вазирининг 20.11.2008 й. 107-сон "Суғурталовчиларнинг суғурта захиралари тўғрисидаги низомни тасдиқлаш ҳақида"ги Буйруғи (АВ томонидан 15.12.2008 й. 1882-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

15.12.2008 й.

N 1882

ЎЗБЕКИСТОН РЕСПУБЛИКАСИ

МОЛИЯ ВАЗИРИНИНГ

20.11.2008 й.

N 107

БУЙРУҒИ

Суғурталовчиларнинг суғурта захиралари

тўғрисидаги низомни тасдиқлаш ҳақида

(2008 йил 25 декабрдан кучга киради)

Ўзбекистон Республикасининг "Суғурта фаолияти тўғрисида"ги Қонуни, Ўзбекистон Республикаси Президентининг 2017 йил 18 мартдаги ПҚ-2847-сон қарори билан тасдиқланган Ўзбекистон Республикаси Молия вазирлиги тўғрисидаги низомга мувофиқ БУЮРАМАН:

1. Илова қилинаётган Суғурталовчиларнинг суғурта захиралари тўғрисидаги низом тасдиқлансин.

2. Суғурталовчилар 2008 йилнинг 31 декабригача бўлган муддатда огоҳлантириш чора-тадбирлари захираси тўғрисидаги низомларини юқорида кўрсатилган Низомга мувофиқлаштирилишини таъминласин.

3. Ўзбекистон Республикаси молия вазирининг 2006 йил 8 февралдаги 11-сонли "Суғурталовчилар томонидан суғурта захираларини шакллантириш ҳамда жойлаштириш тартиби ва шартлари тўғрисидаги низомни тасдиқлаш ҳақида"ги буйруғи (2006 йил 6 май, рўйхат рақами 1571 - Ўзбекистон Республикаси қонун ҳужжатлари тўплами, 2006 й., 19-сон, 166-модда) ўз кучини йўқотган деб ҳисоблансин.

4. Мазкур буйруқ Ўзбекистон Республикаси Адлия вазирлигида давлат рўйхатидан ўтган кундан бошлаб ўн кундан кейин кучга киради.

Молия вазири                                                                  Р. Азимов

"Ўзбекистон Республикаси қонун ҳужжатлари тўплами", 2008 йил, 52-сон, 529-модда.