"Саноатконтехназорат" давлат инспекцияси бошлиғининг 09.09.2009 й. 172-сон "Саноат хавфсизлиги экспертизасини амалга ошириш қоидаларини тасдиқлаш тўғрисида"ги Буйруғи (АВ томонидан 08.10.2009 й. 2013-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

08.10.2009 й.

N 2013

"САНОАТКОНТЕХНАЗОРАТ"

ДАВЛАТ ИНСПЕКЦИЯСИ

БОШЛИҒИНИНГ

09.09.2009 й.

N 172

БУЙРУҒИ

Саноат хавфсизлиги экспертизасини амалга

ошириш қоидаларини тасдиқлаш тўғрисида

(2009 йил 18 октябрдан кучга киради)

Ўзбекистон Республикаси "Хавфли ишлаб чиқариш объектларининг саноат хавфсизлиги тўғрисида"ги Қонунининг (Ўзбекистон Республикаси қонун хужжатлари тўплами, 2006 йил, 39-сон, 386-модда) 15-моддаси ва Ўзбекистон Республикаси Вазирлар Маҳкамасининг 2008 йил 10 декабрдаги 271-сон "Хавфли ишлаб чиқариш объектларининг саноат хавфсизлиги тўғрисида"ги Ўзбекистон Республикаси Қонунини амалга оширишга доир қўшимча чора-тадбирлар ҳақида"ги қарорининг (Ўзбекистон Республикаси қонун ҳужжатлари тўплами, 2008 йил, 50-сон, 496-модда) 3-банди ижросини таъминлаш мақсадида БУЮРАМАН:

1. Саноат хавфсизлиги экспертизасини амалга ошириш қоидалари иловага мувофиқ тасдиқлансин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Бошлиқ                                                                   И. Холматов

"Ўзбекистон Республикаси қонун ҳужжатлари тўплами", 2009 йил, 41-сон, 446-модда.