Молия вазирлигининг 51-сон, Давлат солиқ қўмитасининг 2012-22-сон "Автомобилларга ёнилғи қуйиш шохобчалари томонидан маҳаллий бюджетга нефть маҳсулотларининг чакана нархи билан белгиланган чекланган устамадан ортиқ бўлган харид нархи ўртасидаги тафовутни ҳисоблаб чиқиш ва тўлаш тартиби тўғрисидаги низомни тасдиқлаш ҳақида"ги 29.06.2012 й. Қарори (АВ томонидан 25.07.2012 й. 2381-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

25.07.2012 й.

N 2381

ҚАРОРИ

Автомобилларга ёнилғи қуйиш шохобчалари

томонидан маҳаллий бюджетга нефть маҳсулотларининг

чакана нархи билан белгиланган чекланган устамадан

ортиқ  бўлган харид нархи ўртасидаги  тафовутни

ҳисоблаб чиқиш ва тўлаш тартиби тўғрисидаги

низомни тасдиқлаш ҳақида

(2012 йил 4 августдан кучга киради)

Ўзбекистон Республикаси Вазирлар Маҳкамасининг 2003 йил 1 июлдаги 296-сонли қарори билан тасдиқланган Нефть маҳсулотлари сотувчи корхоналарнинг чекланган устамаларини шакллантириш тўғрисидаги низомга (Ўзбекистон Республикаси қонун ҳужжатлари тўплами, 2003 йил, 13-сон, 102-модда) мувофиқ Ўзбекистон Республикаси Молия вазирлиги ва Давлат солиқ қўмитаси ҚАРОР ҚИЛАДИЛАР:

1. Автомобилларга ёнилғи қуйиш шохобчалари томонидан маҳаллий бюджетга нефть маҳсулотларининг чакана нархи билан белгиланган чекланган устамадан ортиқ бўлган харид нархи ўртасидаги тафовутни ҳисоблаб чиқиш ва тўлаш тартиби тўғрисидаги низом иловага мувофиқ тасдиқлансин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

"Ўзбекистон Республикаси қонун ҳужжатлари тўплами", 2012 йил, 30-сон, 352-модда