Қимматли қоғозлар бозори иштирокчилари томонидан ахборотни очиш тўғрисида Низом (АВ томонидан 18.04.2002 й. 1127-сон билан рўйхатга олинган ДМҚ буйруғи билан тасдиқланган)

Ўзбекистон Республикаси

Адлия вазирлигида

2002 йил 18 апрелда 1127-сон

билан рўйхатга олинган

Ўзбекистон Республикаси

Давлат мулк қўмитаси ҳузуридаги

Қимматли қоғозлар бозори

фаолиятини мувофиқлаштириш

ва назорат қилиш Марказининг

2002 йил 27 мартдаги

2002-06-сонли буйруғи билан

ТАСДИҚЛАНГАН

Мазкур Низом рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Қимматли қоғозлар бозори иштирокчилари

томонидан ахборотни очиш тўғрисида

НИЗОМ

Мазкур Низом Ўзбекистон Республикасининг "Қимматли қоғозлар ва фонд биржаси", "Қимматли қоғозлар бозори фаолиятини мувофиқлаштириш механизми тўғрисида", "Акционер жамиятлари ва акционерларни ҳуқуқларини химоя қилиш тўғрисида", "Қимматли қоғозлар бозорида депозитарийлар фаолияти тўғрисида", "Қимматли қоғозлар бозорида инвесторларнинг ҳуқуқларини химоя қилиш тўғрисида"ги Қонунлари ва қимматли қоғозлар бозори иштирокчилари томонидан ахборотни очишга бўлган талабларни белгилайди, ҳамда қимматли қоғозлар бозорида ахборотларни таркибини ва очиш аниқлайди.

Мазкур Низомнинг амал қилиши қимматли қоғозлар бозорининг барча иштирокчиларига, бундан банклар мустасно, татбиқ этилади.

1-§. УМУМИЙ ҚОИДАЛАР

1. Мазкур Низом мақсадларида қуйидаги асосий тушунчалардан фойдаланилади:

- қимматли қоғозлар бозоридаги ахборот - Ўзбекистон Республикасининг қимматли қоғозлар бозори тўғрисидаги қонун ҳужжатларига ва қимматли қоғозлар бозори иштирокчилари томонидан ахборотни очиш ҳақидаги мазкур Низомга мувофиқ жами ва ҳакиқий маълумотлар;

- қимматли қоғозлар бозорида ахборотни очиш - мазкур ахборотни очиш мақсадидан қатъий назар, уни очишга манфаатдор бўлган шахслар учун ахборотни олиш учун қулай шароитларни таъминлаш;

- қимматли қоғозлар - қимматли қоғозлар бозорини тартибга солувчи ваколатли давлат органида рўйхатга олиш таомилидан ўтадиган акциялар, облигациялар ва бошқа қимматли қоғозлар;

- молия-хўжалик фаолиятига таъсир қилувчи муҳим фактлар (ҳодисалар, ҳаракатлар) (кейинчалик - муҳим фактлар) - қимматли қоғозларни қийматига ёки улар бўйича олинадиган даромад миқдорига таъсир кўрсатадиган, эмитентнинг молия-хўжалик фаолиятида юз берган ўзгаришлар;

- қимматли қоғозлар савдосини ташкил қилувчи - фонд биржаси (бошқа биржанинг фонд бўлими) ёки қимматли қоғозларни биржадан ташқари савдосини ташкил қилувчи, лицензия асосида ҳаракат қилувчи молия институти.

“Биржа” газетаси - қимматли қоғозлар бозори иштирокчилари қонун ҳужжатларига мувофиқ мажбуран очиш керак бўлган ахборотни марказлаштирилган тарзда чоп этувчи босма нашр;

Қимматли қоғозлар бозори қатнашчиларини хабардор қилиш