Ўзбекистон Республикаси Олий Мажлиси Қонунчилик палатаси Кенгашининг 30.12.2010 й. 237/I-II-сон "Ўзбекистон Республикаси Олий Мажлиси Қонунчилик палатаси Кенгашининг Қарорини ўз кучини йўқотган деб топиш тўғрисида"ги Қарори

ЎЗБЕКИСТОН РЕСПУБЛИКАСИ

ОЛИЙ МАЖЛИСИ ҚОНУНЧИЛИК

ПАЛАТАСИ КЕНГАШИНИНГ

ҚАРОРИ

30.12.2010 й.

N 237/I-II

ЎЗБЕКИСТОН РЕСПУБЛИКАСИ ОЛИЙ

МАЖЛИСИ ҚОНУНЧИЛИК ПАЛАТАСИ

КЕНГАШИНИНГ ҚАРОРИНИ ЎЗ КУЧИНИ

ЙЎҚОТГАН ДЕБ ТОПИШ ТЎҒРИСИДА

Ўзбекистон Республикаси Олий Мажлиси Қонунчилик палатаси ва Сенати Кенгашларининг 2010 йил 30 декабрдаги 237-II/150-II-сонли қўшма қарори билан Ўзбекистон Республикаси Олий Мажлиси Қонунчилик палатасига киритиладиган қонун лойиҳаларини ва Ўзбекистон Республикаси Олий Мажлиси Сенатига тақдим этилган қонунларни юридик-техник жиҳатдан расмийлаштириш Қоидалари тасдиқланганлиги муносабати билан Ўзбекистон Республикаси Олий Мажлиси Қонунчилик палатасининг Кенгаши ҚАРОР ҚИЛАДИ:

1. Ўзбекистон Республикаси Олий Мажлиси Қонунчилик палатаси Кенгашининг "Қонун лойиҳаларини юридик-техник жиҳатдан расмийлаштириш бўйича услубий тавсиялар тўғрисида"ги 2005 йил 27 июндаги 73-I-сонли қарори (Ўзбекистон Республикаси Олий Мажлиси палаталарининг Ахборотномаси, 2005 йил N 6, 222-модда) ўз кучини йўқотган деб топилсин.

2. Ушбу қарор қабул қилинган кундан эътиборан кучга киради.

Ўзбекистон Республикаси

Олий Мажлиси Қонунчилик

палатасининг Спикери                                         Д. Тошмуҳамедова

"Ўзбекистон Республикаси Олий Мажлиси палаталарининг Ахборотномаси", 2011 й., 1-сон, 13-модда