Қишлоқ ва сув хўжалиги вазирининг 25.07.2014 й. 7-сон "Қоракўлчилик ширкат хўжаликларида подага яроқсиз она моллар, наслли қўчқорлар ҳамда эркак қўзиларни (эчкиларни) бўрдоқига боқиш тартиби тўғрисидаги низомни тасдиқлаш ҳақида"ги Буйруғи (АВ томонидан 05.08.2014 й. 2607-сон билан рўйхатга олинган)
ЎЗБЕКИСТОН РЕСПУБЛИКАСИ
АДЛИЯ ВАЗИРЛИГИ ТОМОНИДАН
РЎЙХАТГА ОЛИНГАН
05.08.2014 й.
N 2607
ЎЗБЕКИСТОН РЕСПУБЛИКАСИ
ҚИШЛОҚ ВА СУВ ХЎЖАЛИГИ ВАЗИРИНИНГ
25.07.2014 й.
N 7
БУЙРУҒИ
Қоракўлчилик ширкат хўжаликларида
подага яроқсиз она моллар, наслли қўчқорлар
ҳамда эркак қўзиларни (эчкиларни) бўрдоқига
боқиш тартиби тўғрисидаги низомни
тасдиқлаш ҳақида
Ўзбекистон Республикаси Вазирлар Маҳкамасининг 1998 йил 13 июндаги 250-сонли "Қоракўлчиликда иқтисодий ислоҳотларни чуқурлаштириш ва уни давлат томонидан қўллаб-қувватлаш чора-тадбирлари тўғрисида"ги қарорига мувофиқ ҳамда қоракўлчилик ширкат хўжаликларида чорва молларини бўрдоқига боқиш ишларини тартибга солиш мақсадида БУЮРАМАН:
1. Қоракўлчилик ширкат хўжаликларида подага яроқсиз она моллар, наслли қўчқорлар ҳамда эркак қўзиларни (эчкиларни) бўрдоқига боқиш тартиби тўғрисидаги низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан кучга киради.
Вазир Ш. Тешаев
"Ўзбекистон Республикаси қонун ҳужжатлари тўплами",
2014 йил 11 август, 32-сон, 412-модда