Ўзбекистон Республикаси Вазирлар Маҳкамасининг 16.04.1994 й. 213-сон "Тадбиркорлик фаолияти билан шуғулланувчи жисмоний шахслардан рўйхатга олганлик учун ундириладиган йигимлари ставкалари тўғрисида"ги Қарори

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

16.04.1994 й.

N 213

ТАДБИРКОРЛИК ФАОЛИЯТИ БИЛАН ШУҒУЛЛАНУВЧИ

ЖИСМОНИЙ ШАХСЛАРДАН РЎЙХАТГА ОЛГАНЛИК

УЧУН УНДИРИЛАДИГАН ЙИГИМЛАРИ СТАВКАЛАРИ

ТЎҒРИСИДА

“Тадбиркорлик фаолияти билан шуғулланувчи жисмоний шахслардан рўйхатга олганлик учун ундириладиган йиғим ва бундай шахсларни рўйхатга олиш тартиби тўғрисида”ги Ўзбекистон Республикаси қонуни амалга киритиш тартиби ҳакида Ўзбекистон Республикаси Олий Кенгашининг 1993 йил 28 декабрдаги қарорига мувофиқ Вазирлар Маҳкамаси ҚАРОР ҚИЛАДИ:

1. Тадбиркорлик фаолияти билан шуғулланувчи жисмоний шахслардан рўйхатга олганлик учун ундириладиган йиғимлар ставкаларининг миқдорлари қуйидагича белгилансин:

савдо ва савдо-воситачилик фаолияти билан шуғулланувчи тадбиркорлар учун Ўзбекистон Республикаси қонунчилигида белгиланган энг кам ойлик иш ҳаки миқдорида;

косиблик ва ишлаб чиқариш фаолияти билан шуғулланувчи тадбиркорлар учун Ўзбекистон Республикаси қонунчилигида белгиланган энг кам ойлик иш ҳакининг ярми миқдорида;

Айрим тўловчилардан ундириладиган йиғим ставкаларининг аниқ миқдорлари давлат ҳокимиятининг маҳалий органлари томонидан белгиланади:

Йиғимлар суммаси тадбиркор рўйхатга олинган жойдаги тегишли бюджетга қўшилади.

2. Тадбиркорлик фаолияти билан шуғулланадиган жисмоний шахслардан рўйхатга олганлик учун ундириладиган йиғимларнинг ўз вақтида ва тўлиқ тўланиши ҳамда уларни рўйхатга олиш тартиби устидан назоратни давлат солиқ органлари амалга оширади.

3. Мазкур қарорнинг қабул қилиниши муносабати билан Вазирлар Маҳкамасининг “Давлат божи ставкалари ҳақида” 1993 йил 26 апрелдаги 192-сон қарори билан тастиқланган Давлат божи ставкалари 5-бандининг “п” кичик банди ўз кучини йўқотган деб ҳисоблансин.

4. Қорақалпоғистон Республикаси Вазирлар Кенгаши, вилоятлар ва Тошкент шахри ҳокимликлари бир ой муддатда айрим тўловчилардан рўйхатга олганлик учун ундириладиган йиғимлар ставкаларининг аниқ миқдорларда белгилансинлар.

Ўзбекистон Республикасининг Бош вазири                                 А. Муталов