Давлат архитектура ва қурилиш қўмитасининг 16.09.2002 й. 7-сон "Ўзбекистон Республикаси Давархитектқурилишининг қурилиш объектлари учун қурилиш бўйича тендер ҳужжатларини экспертиза қилиш, реконструкциялаш, техника билан қайта жиҳозлаш, лойиҳалаш, материалларни, қурилмаларни ва асбоб-ускуналарни сотиб олиш тартиби тўғрисидаги низомни тасдиқлаш ҳақида"ги Қарори (АВ томонидан 02.10.2002 й. 1177-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

02.10.2002 й.

N 1177

ЎЗБЕКИСТОН РЕСПУБЛИКАСИ

ДАВЛАТ АРХИТЕКТУРА ВА ҚУРИЛИШ

ҚЎМИТАСИНИНГ

16.09.2002 й.

N 7

ҚАРОРИ

Ўзбекистон Республикаси Давархитектқурилишининг

қурилиш объектлари учун қурилиш бўйича тендер

ҳужжатларини экспертиза қилиш, реконструкциялаш,

техника билан қайта жиҳозлаш, лойиҳалаш, материалларни,

қурилмаларни ва асбоб-ускуналарни сотиб олиш тартиби

тўғрисидаги низомни тасдиқлаш ҳақида

Ўзбекистон Республикаси Вазирлар Маҳкамасининг 2000 йил 5 августдаги 305-сонли "Капитал қурилишда иқтисодий ислоҳотларни чуқурлаштиришнинг қўшимча чора-тадбирлари тўғрисида"ги Қарори ва Ўзбекистон Республикаси Вазирлар Маҳкамасининг 1999 йил 8 ноябрдаги 492-сонли Қарори билан тасдиқланган "Ўзбекистон Республикаси Давлат архитектура ва қурилиш қўмитаси тўғрисидаги Низом"га асосан Ўзбекистон Республикаси Давлат архитектура ва қурилиш қўмитаси ҚАРОР ҚИЛАДИ:

1. Илова қилинаётган "Ўзбекистон Республикаси Давархитектқурилишининг қурилиш объектлари учун қурилиш бўйича тендер ҳужжатларини экспертиза қилиш, реконструкциялаш, техника билан қайта жиҳозлаш, лойиҳалаш, материалларни, қурилмаларни ва асбоб-ускуналарни сотиб олиш тартиби тўғрисидаги Низом" тасдиқлансин.

2. Мазкур Қарор Ўзбекистон Республикаси Адлия вазирлигида давлат рўйхатига олинган кундан бошлаб ўн кун ўтгач кучга киради.

Раис                                                                                   А.Р. Тохтаев

"Ўзбекистон Республикаси Молиявий қонунлари тўплами" 2003 йил, 4-сон.