Қонунчилик
ЎзР Қонунлари

Ўзбекистон Республикаси Вазирлар Маҳкамасининг 01.10.1996 й. 343-сон "Четга олиб чиқиб кетилаётган товарларнинг айрим турларига акциз солиғи жорий этиш тўғрисида"ги Қарори

Ҳужжатнинг тўлиқ матни nrm.uz сайтида пуллик тариф фойдаланувчилари учун мавжуд. Саволлар бўйича 1172 қисқа рақамига қўнғироқ қилинг.

ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

01.10.1996 й.

N 343



ЧЕТГА ОЛИБ ЧИҚИБ КЕТИЛАЁТГАН

ТОВАРЛАРНИНГ АЙРИМ ТУРЛАРИГА

АКЦИЗ СОЛИҒИ ЖОРИЙ ЭТИШ

ТЎҒРИСИДА


Истеъмол бозорининг мутаносиблигини таъминлаш, республика фуқаролари манфаатларини ҳимоя қилиш, тақчил товарларнинг кўплаб миқдорда асоссиз равишда четга олиб чиқиб кетилишининг олдини олиш мақсадида Вазирлар Маҳкамаси ҚАРОР ҚИЛАДИ:


1. 1996 йил 10 октябрдан бошлаб республикадан юридик ва хорижий шахслар томонидан олиб чиқиб кетиладиган товарларга иловага мувофиқ рўйхат ва ставка бўйича акциз солиғи жорий этилсин.

Белгилаб қўйилсинки:

маҳсулотни эркин алмаштириладиган валютага экспорт қилувчи товар ишлаб чиқарувчиларнинг маҳсулотларига;

жисмоний шахслар томонидан олиб чиқиб кетиладиган бир жисмоний шахсга биттагача товарга акциз солиғи солинмайди.


2. Ўзбекистон Республикаси Молия вазирлиги ва Давлат солиқ қўмитаси четга олиб чиқиб кетиладиган акциз солиғи солинадиган товарлар учун акциз солиғи тўлаш тартибини беш кун муддатда ишлаб чиқсин ва тасдиқласин.

Давлат солиқ қўмитаси акциз солиғи тўғри ҳисобланиши ва тўлиқ тўланиши устидан назорат ўрнатсин.


3. Мазкур қарорнинг бажарилишини назорат қилиш Бош вазирнинг ўринбосари Б.С. Ҳамидов зиммасига юклансин.



Вазирлар Маҳкамасининг Раиси                                                 И. Каримов






Вазирлар Маҳкамасининг

1996 йил 1 октябрдаги

343-сон қарорига

ИЛОВА



Ўзбекистон Республикаси ҳудудидан четга олиб чиқиб

кетилаётган акциз солиғи солинадиган

товарлар учун акциз солиғи

СТАВКАЛАРИ

Ташқи иқтисодий фаолият

товар номенклатураси

коди


Товарларнинг

номи


Акциз солиғи ставкалари

(контракт қийматига ёки

товарнинг харид қийматига

нисбатан фоизларда)



Мураккаб маиший техника:


50%

8418

- совутгичлар



8528


- телевизорлар


8521


- видеомагнитофонлар


852031


- магнитофонлар


851650000


- микротўлқинли печлар


8527


- радиоприёмниклар


850910


- чанг ютгичлар


850940000


- миксерлар


851010000


- электр устаралар


851640


- электр дазмоллар



Қайта экспорт сифатида четга олиб чиқиб кетилаётган бошқа маҳсулотлар


25% (ЎзР ВМ 16.04.1998 й. 161-сонли Қарори таҳририда)

"Ўзбекистон Республикаси Ҳукумати қарорлари тўплами", 1996 й., N 10, 28-модда.