Ўзбекистон Республикаси Ҳукумати билан Эстония Республикаси Ҳукумати ўртасида дипломатик паспорт эгаларини виза расмийлаштиришдан озод қилиш тўғрисида Битим (Белград, 2015 йил 3 декабрь)
Ўзбекистон Республикаси Ҳукумати билан Эстония
Республикаси Ҳукумати ўртасида дипломатик
паспорт эгаларини виза расмийлаштиришдан
озод қилиш тўғрисида
БИТИМ
Ўзбекистон Республикаси Ҳукумати ва Эстония Республикаси Ҳукумати, бундан кейинги ўринларда "Томонлар" деб аталувчилар,
икки давлат ўртасида мавжуд дўстона муносабатларни мустаҳкамлашга интилиб,
амалда бўлган дипломатик паспортга эга икки давлат фуқароларининг кириш, чиқиш ва сафар қилишларини соддалаштириш истагида,
қуйидагилар тўғрисида келишиб олдилар:
Томонлар давлатларидан бирининг амалда бўлган дипломатик паспорт эгалари бошқа Томон давлати ҳудудига виза расмийлаштирмасдан тўқсон (90) кундан ошмаган муддатга биринчи кириш санасидан эътиборан бир юз саксон (180) кун мобайнида кўп маротаба кириш,
...