Молия вазирининг 07.07.2017 й. 96-сон "Суғурталовчиларнинг суғурта захиралари тўғрисидаги низомни тасдиқлаш ҳақида" буйруққа ўзгартиришлар киритиш тўғрисида"ги Буйруғи (АВ томонидан 17.07.2017 й. 1882-5-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

17.07.2017 й.

N 1882-5

ЎЗБЕКИСТОН РЕСПУБЛИКАСИ

МОЛИЯ ВАЗИРИНИНГ

07.07.2017 й.

N 96

БУЙРУҒИ

"Суғурталовчиларнинг суғурта захиралари тўғрисидаги

низомни тасдиқлаш ҳақида"ги буйруққа ўзгартиришлар

киритиш тўғрисида

Ўзбекистон Республикасининг "Суғурта фаолияти тўғрисида"ги Қонунига, Ўзбекистон Республикаси Президентининг 2017 йил 18 мартдаги ПҚ-2847-сон қарори билан тасдиқланган Молия вазирлиги тўғрисидаги низомга мувофиқ БУЮРАМАН:

1. Ўзбекистон Республикаси молия вазирининг 2008 йил 20 ноябрдаги 107-сон "Суғурталовчиларнинг суғурта захиралари тўғрисидаги низомни тасдиқлаш ҳақида"ги буйруғига (рўйхат рақами 1882, 2008 йил 15 декабрь) (Ўзбекистон Республикаси қонун ҳужжатлари тўплами, 2008 йил, 52-сон, 529-модда) иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

Вазир                                                                    Б. Ходжаев

Буйруққа

ИЛОВА

"Суғурталовчиларнинг суғурта захиралари тўғрисидаги

низомни тасдиқлаш ҳақида"ги буйруққа киритилаётган

ўзгартиришлар

1. Буйруқнинг муқаддимаси қуйидаги таҳрирда баён этилсин:

"Ўзбекистон Республикасининг "Суғурта фаолияти тўғрисида"ги Қонуни, Ўзбекистон Республикаси Президентининг 2017 йил 18 мартдаги ПҚ-2847-сон қарори билан тасдиқланган Ўзбекистон Республикаси Молия вазирлиги тўғрисидаги низомга мувофиқ буюраман:".

2. Низомнинг муқаддимаси қуйидаги таҳрирда баён этилсин:

"Мазкур Низом Ўзбекистон Республикасининг "Суғурта фаолияти тўғрисида"ги Қонунига мувофиқ суғурталовчилар томонидан суғурта захираларини ҳисоблаш услуби ҳамда шакллантириш ва жойлаштириш тартибига талабларни белгилайди.".

"Ўзбекистон Республикаси қонун ҳужжатлари тўплами",

2017 йил 24 июль, 29-сон, 713-модда