Иқтисодиёт ва молия вазирлигининг 07.11.2025 й. 301-сон, Давлат активларини бошқариш агентлигининг 30.10.2025 й. 01/09-2-14/48-сон "Давлат улушларини ишончли бошқариш ва акциядорлик жамиятларини бошқаришда иштирок этиш махсус ҳуқуқи ("олтин акция") бўйича давлат вакилларининг хизмат ҳақи тўловларини амалга ошириш тартиби тўғрисидаги низомни тасдиқлаш ҳақида"ги қарорга ўзгартиришлар киритиш тўғрисида"ги Қарори (АВ томонидан 22.11.2025 й. 2263-3-сон билан рўйхатга олинган)

ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

22.11.2025 й.

N 2263-3

ҚАРОРИ

"Давлат улушларини ишончли бошқариш ва акциядорлик

жамиятларини бошқаришда иштирок этиш махсус ҳуқуқи

("олтин акция") бўйича давлат вакилларининг хизмат ҳақи

тўловларини амалга ошириш тартиби тўғрисидаги низомни

тасдиқлаш ҳақида"ги қарорга ўзгартиришлар киритиш тўғрисида

Ўзбекистон Республикасининг 2022 йил 29 мартдаги ЎРҚ-760-сон "Корпоратив бошқарув тизими такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги, "Давлат мулкини бошқариш тўғрисида"ги ва 2025 йил 7 февралдаги ЎРҚ-1025-сон "Корпоратив муносабатларнинг ҳуқуқий асослари янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида"ги қонунлари ҳамда Ўзбекистон Республикаси Вазирлар Маҳкамасининг 2003 йил 19 апрелдаги 189-сон "Хусусийлаштирилган корхоналарни корпоратив бошқаришни такомиллаштириш чора-тадбирлари тўғрисида"ги ва 2019 йил 15 майдаги 404-сон "Ўзбекистон Республикаси Давлат активларини бошқариш агентлиги фаолиятини ташкил этиш бўйича чора-тадбирлар тўғрисида"ги қарорларига мувофиқ, Ўзбекистон Республикаси Иқтисодиёт ва молия вазирлиги ва Давлат активларини бошқариш агентлиги ҚАРОР ҚИЛАДИ:

1. Ўзбекистон Республикаси Молия вазирлиги ва Ўзбекистон Республикаси Давлат мулкини бошқариш давлат қўмитасининг 2011 йил 11 августдаги 51, 01/12-18/05-сон "Давлат улушларини ишончли бошқариш ва акциядорлик жамиятларини бошқаришда иштирок этиш махсус ҳуқуқи ("олтин акция") бўйича давлат вакилларининг хизмат ҳақи тўловларини амалга ошириш тартиби тўғрисидаги низомни тасдиқлаш ҳақида"ги қарорига (рўйхат рақами 2263, 2011 йил 9 сентябрь) (Ўзбекистон Республикаси қонун ҳужжатлари тўплами, 2011 й., 37-сон, 384-модда) иловага мувофиқ ўзгартиришлар киритилсин.

2. Мазкур буйруқ расмий эълон қилинган кундан эътиборан кучга киради.

     

Қарорга

ИЛОВА

"Давлат улушларини ишончли бошқариш ва акциядорлик

жамиятларини бошқаришда иштирок этиш махсус ҳуқуқи

("олтин акция") бўйича давлат вакилларининг хизмат ҳақи

тўловларини амалга ошириш тартиби тўғрисидаги низомни

тасдиқлаш ҳақида"ги қарорга киритилаётган ўзгартиришлар

1. Қарорда:

1) номи қуйидаги таҳрирда баён этилсин:

"Давлат улушларини ишончли бошқариш бўйича ишончли бошқарувчиларнинг хизмат ҳақи тўловларини амалга ошириш тартиби тўғрисидаги низомни тасдиқлаш ҳақида";

2) 1-банд қуйидаги таҳрирда баён этилсин:

"1. Давлат улушларини ишончли бошқариш бўйича ишончли бошқарувчиларнинг хизмат ҳақи тўловларини амалга ошириш тартиби тўғрисидаги низом иловага мувофиқ тасдиқлансин.".

2. Низомда:

1) номи қуйидаги таҳрирда баён этилсин:

"Давлат улушларини ишончли бошқариш бўйича ишончли бошқарувчиларнинг хизмат ҳақи тўловларини амалга ошириш тартиби тўғрисидаги НИЗОМ";

2) муқаддима қуйидаги таҳрирда баён этилсин:

"Мазкур Низом давлат улушларини ишончли бошқариш бўйича ишончли бошқарувчиларнинг хизмат ҳақи тўловларини амалга ошириш тартибини белгилайди.";

3) 1-банд қуйидаги таҳрирда баён этилсин:

"1. Мазкур Низом давлат улуши ишончли бошқарувга берилган (Ўзбекистон Республикаси Президенти ва Ўзбекистон Республикаси Вазирлар Маҳкамасининг қарорларига мувофиқ инвестиция активларини ишончли бошқарувчиларга берилган ҳоллар бундан мустасно) акциядорлик жамиятлари ва масъулияти чекланган жамиятларга (бундан буён матнда хўжалик жамиятлари деб юритилади) татбиқ этилади.";

4) 2-бандда:

иккинчи хатбоши чиқариб ташлансин;

учинчи - бешинчи хатбошилар тегишли равишда иккинчи - тўртинчи хатбошилар деб ҳисоблансин;

иккинчи хатбоши қуйидаги таҳрирда баён этилсин:

"давлат улуши - хўжалик жамиятларининг устав фондларидаги (устав капиталларидаги) давлат органларига, маҳаллий ижро этувчи ҳокимият органларига, давлат муассасаларига, шу жумладан Ўзбекистон Республикаси Марказий банкига ҳамда Ўзбекистон Республикаси Тикланиш ва тараққиёт жамғармасига тегишли бўлган акциялар ёки улушлар;";

5) 2-бобнинг номи қуйидаги таҳрирда баён этилсин:

"II. Ишончли бошқарувчининг хизмат ҳақи тўловини шакллантириш манбалари";

6) 3-банд қуйидаги таҳрирда баён этилсин:

"3. Ишончли бошқарувчиларга хизмат ҳақини тўлаш учун маблағлар манбаи, агар давлат улушини ишончли бошқариш шартномасида ўзгача тартиб назарда тутилмаган бўлса, ҳисобот йилидаги давлат улуши бўйича давлат бюджетига тушган дивидендлар ҳисобидан шаклланади. Бунда, ҳисобот йилининг тўртинчи чораги учун хизмат ҳақи ҳисобот йилидан кейинги йилнинг биринчи чорагида давлат бюджетида ушбу мақсадлар учун назарда тутилган маблағлар доирасида, ҳисобот йилида давлат бюджетига дивидендлар тушумидан келиб чиққан ҳолда амалга оширилади.

Ишончли бошқарувчиларга хизмат ҳақини тўлаш учун мўлжалланган, ҳисобот йилида давлат бюджетига тушган давлат улуши бўйича дивидендлар етарли бўлмаганда ёки улар тушмаган (ҳисобланмаган) тақдирда, хизмат ҳақини тўлаш учун Давлат активларини бошқариш, трансформация ва хусусийлаштириш жамғармаси умумий маблағларидан фойдаланилади.";

7) 4-банд ва 4-боб ўз кучини йўқотган деб топилсин.

8) 5-банд қуйидаги таҳрирда баён этилсин:

"5. Ўзбекистон Республикаси Давлат активларини бошқариш агентлиги (бундан буён матнда Давлат активлари агентлиги деб юритилади) томонидан ҳар йили давлат улушларини бошқариш харажатлари сметасининг лойиҳаси шартномалар, давлат улушларини ишончли бошқарувга босқичма-босқич бериш графиги ҳамда ишончли бошқарувчиларнинг чораклик ҳисоботлари асосида чоракларга бўлган ҳолда ишлаб чиқилади.";

9) 6-банд қуйидаги таҳрирда баён этилсин:

"6. Давлат активлари агентлиги ишончли бошқарувчиларга хизмат ҳақи тўловлари сметаси бўйича ҳисоб-китобларни 1 июлдан кечиктирмай келгуси йил давлат бюджети лойиҳасига киритиш учун Иқтисодиёт ва молия вазирлигига белгиланган тартибда тақдим этади.";

10) 7-банд қуйидаги таҳрирда баён этилсин:

"7. Ишончли бошқарувчилар давлат улушини ишончли бошқариш шартномасида белгиланган шакл ва муддатларда давлат улушларини бошқариш фаолиятлари тўғрисидаги ҳисоботларни Давлат активлари агентлигига топширади.";

11) 8-бандда:

биринчи хатбоши қуйидаги таҳрирда баён этилсин:

"8. Топширилган ҳисоботлар таҳлили асосида Давлат активлари агентлиги ишончли бошқарувчилар хизмат ҳақи тўловлари бўйича сметани тўлаш манбаларини кўрсатган ҳолда тайёрлайди ва ҳисобот давридан кейинги иккинчи ойнинг 20-санасигача Иқтисодиёт ва молия вазирлигига тақдим этади.";

иккинчи хатбошидаги "Марказга" ва "Молия вазирлигига" деган сўзлар тегишли равишда "Давлат активлари агентлигига" ва "Иқтисодиёт ва молия вазирлигига" деган сўзлар билан алмаштирилсин;

учинчи хатбошидаги "ишончли бошқарувчилар ва давлат вакилларининг" деган сўзлар "ишончли бошқарувчиларнинг" деган сўзлар билан алмаштирилсин;

тўртинчи хатбошидаги "ишончли бошқарувчилар ва давлат вакилларининг" ҳамда "Марказ ва Молия вазирлиги" деган сўзлар тегишли равишда "ишончли бошқарувчиларнинг" ва "Давлат активлари агентлиги ҳамда Иқтисодиёт ва молия вазирлиги" деган сўзлар билан алмаштирилсин;

бешинчи хатбошидаги "Марказ" деган сўз "Давлат активлари агентлиги" деган сўзлар билан алмаштирилсин;

12) 9-бандда:

биринчи хатбоши қуйидаги таҳрирда баён этилсин:

"9. Тақдим этилган смета асосида Иқтисодиёт ва молия вазирлиги 10 иш куни ичида ишончли бошқарувчиларнинг хизмат ҳақларини тўлаш учун сметага киритилган хўжалик жамиятларидан давлат улуши бўйича тушган дивидендлар ҳисобидан Давлат активларини бошқариш, трансформация ва хусусийлаштириш жамғармасига маблағларни ўтказади.";

иккинчи хатбоши чиқариб ташлансин;

учинчи - ўн иккинчи хатбошилар тегишли равишда иккинчи - ўн биринчи хатбошилар деб ҳисоблансин;

иккинчи хатбошидаги "Марказ" деган сўз "Давлат активлари агентлиги" деган сўзлар билан алмаштирилсин;

учинчи ва тўртинчи хатбошилар қуйидаги таҳрирда баён этилсин:

"Иқтисодиёт ва молия вазирлиги томонидан давлат улушлари бўйича бюджетга тўланган дивидендларнинг қисми ҳисобидан Давлат активларини бошқариш, трансформация ва хусусийлаштириш жамғармасига тегишли маблағлар келиб тушган пайтдан эътиборан 10 банк иш куни ичида;

Давлат активларини бошқариш, трансформация ва хусусийлаштириш жамғармаси умумий маблағлари ҳисобидан 10 банк иш куни ичида, агар:";

ўнинчи хатбошидан "ҳамда қўшимча масъулиятли" деган сўзлар чиқариб ташлансин;

ўн биринчи хатбоши чиқариб ташлансин;

13) 10-банд қуйидаги таҳрирда баён этилсин:

"10. Хизмат ҳақи тўловлари Давлат активларини бошқариш, трансформация ва хусусийлаштириш жамғармасига ўтказилгандан кейин Давлат активлари агентлиги бу ҳақда, шунингдек, шахсий ҳисобварақлари ёки ҳисоб-китоб варақлари тўғрисидаги маълумотни тақдим этиш ҳақида (тўлов биринчи марта амалга оширилаётган бўлса) ишончли бошқарувчиларни давлат улушини ишончли бошқариш шартномасида белгиланган шакл ва муддатларда хабардор қилади.

Ишончли бошқарувчиларнинг хизмат ҳақи тўловларини тўлаш Давлат активлари агентлиги томонидан уларнинг банкдаги шахсий ҳисобварақлари ёки ҳисоб-китоб варақларига тегишли маблағларни ўтказиб бериш йўли билан амалга оширилади.";

14) 11-бандда:

биринчи ва иккинчи хатбошилар қуйидаги таҳрирда баён этилсин:

"11. Хизмат ҳақини тўлаш учун назарда тутилган ва ишончли бошқарувчилар томонидан талаб қилинмаган ҳамда Давлат активлари агентлигига тегишли ҳужжатларни тақдим этмагани сабабли уларнинг шахсий ҳисобварақлари ёки ҳисоб-китоб варақларига ўтказилмаган пул маблағлари Давлат активларини бошқариш, трансформация ва хусусийлаштириш жамғармасида қолдирилади.

Бунда, хизмат ҳақи тўловларини тўлаш учун давлат бюджетидан юборилган маблағлар Давлат активларини бошқариш, трансформация ва хусусийлаштириш жамғармасида 90 кундан ортиқ туриб қолган тақдирда, ушбу маблағлар тўлалигича давлат бюджетига қайтарилиши лозим.";

учинчи хатбошидан "ва давлатнинг вакиллари" деган сўзлар чиқариб ташлансин;

15) 13-банднинг биринчи ва иккинчи хатбошилари ҳамда 14-банднинг биринчи ва иккинчи хатбошиларидаги "энг кам иш ҳақининг" деган сўзлар "меҳнатга ҳақ тўлашнинг энг кам миқдорининг" деган сўзлар билан алмаштирилсин;

16) 1-илова белгиси қуйидаги таҳрирда баён этилсин:

"Давлат улушларини ишончли бошқариш бўйича ишончли бошқарувчиларнинг хизмат ҳақи тўловларини амалга ошириш тартиби тўғрисидаги низомга 1-ИЛОВА";

17) 2-илова белгиси қуйидаги таҳрирда баён этилсин:

"Давлат улушларини ишончли бошқариш бўйича ишончли бошқарувчиларнинг хизмат ҳақи тўловларини амалга ошириш тартиби тўғрисидаги низомга 2-ИЛОВА".

Қонун ҳужжатлари маълумотлари миллий базаси (www.lex.uz),

2025 йил 24 ноябрь