Жисмоний шахсдан қарз олган бўлсангиз

“Корхона Ўзбекистон резиденти бўлган жисмоний шахсдан 6 ойга йиллик 17% ставкада фоизли қарз олди. Фоизли даромадни қайта молиялаштириш ставкасидан келиб чиққан ҳолда аниқлаш керакми? Фоизларга ҚҚС солинадими? Корхонанинг фоизлар тўлаш бўйича харажати фойда солиғини ҳисоб-китоб қилишда чегириб ташланадиган харажат ҳисобланадими? Корхона қандай ҳисоботларни тақдим этиши керак?”.

Саволларга “Норма” эксперти Татьяна ЛИМАРЕВА жавоб берди:

– Кўриб чиқилаётган вазиятда фоизли даромад шартномада назарда тутилган ставкадан келиб чиққан ҳолда аниқланади, сабаби у – Марказий банкнинг қайта молиялаштириш ставкасидан (14%) юқори.

Корхона, солиқ агенти сифатида, жисмоний шахснинг фоизларидан 5% ставка бўйича ЖШДСни ушлаб қолади .

Қарзлар бўйича фоизларга ҚҚС солинмайди .

Қарз шартномаси бўйича фоизларни ҳисоблаш ва тўлаш бўйича харажатлар фойда солиғини ҳисоб-китоб қилишда чегириб ташланадиган харажатлар ҳисобланади .

Аммо қуйидагилар бўйича фоизлар чегириб ташланмайдиган харажатларга айланиши мумкин:

• муддати ўтган ва кечиктирилган қарзлар бўйича шартномада назарда тутилган ставкалардан ортиқча фоизлар ;
• назорат қилинадиган қарзлар бўйича харажатлар деб эътироф этиладиган суммалардан ортиқча ҳисобланган фоизлар .

Корхона-қарз олувчи ҳисобланган фоизларни Фойда солиғи ҳисоб-китобида ўсиб борувчи якун билан акс эттиради (шакл коди 10205_40):

– Ҳисоб-китобга 2-илованинг 0113-сатрида I–III чораклар учун,

–  Ҳисоб-китобга 2.1-илованинг 0312-сатрида йил учун.

Бундан ташқари, корхона ҳар ойда солиқ агенти томонидан тўлов манбаида ушлаб қолинадиган Дивидендлар ва фоизлар тарзида тўланадиган даромадлардан олинадиган солиқ ҳисоб-китобини тақдим этади (шакл коди 10202_9). Унда – ҳисобланган ва тўланган фоизларни, шунингдек ушлаб қолинган солиқни акс эттиради.