Ноябрь ойидаги бухгалтер учун фойдали ахборот:
Жисмоний шахс Ўзбекистон МЧЖнинг устав фондида улушини юридик шахсдан -Ўзбекистонда доимий муассасаси бўлмаган норезидентдан сотиб олади.
МЧЖ УФдаги улушни реализация қилишдан норезидентларнинг Ўзбекистондаги манбалардан олинган даромадларига фойда солиғи солинади, яъни жисмоний шахс бўлган харидор томонидан.
Ҳужжатлар мавжуд бўлганда, даромад улушни реализация қилиш суммасининг уни олиш қийматидан ошган қисми сифатида аниқланади.
Жисмоний шахс норезидентнинг даромадлардан олинадиган солиқ ҳисоб-китобини солиқ органига тақдим этади. Солиқ сотиб олинаётган мол-мулкка бўлган мулк ҳуқуқини рўйхатдан ўтказгунига (расмийлаштиргунига) қадар бюджетга тўланиши керак.
Диққат!
Норезидентнинг даромадларини аниқлаш, ҳисобот бериш, солиқни ҳисоблаш ва тўлаш тартиби тўғрисида ДСҚнинг солиққа тортиш методологияси департаменти бош мутахассиси Раъно АЛИШАЕВА тамонидан берилган тавсияларда ўқинг.
