I бўлим. 9-§. Узоқ муддатли дебиторлик қарзлари ва кечиктирилган харажатларни ҳисобга олувчи счётлар 0900
76. Қуйидаги ҳисоб-китобларнинг узоқ муддатли қисми:
а) харидорлар ва буюртмачилар билан - олинган векселлар бўйича;
б) ижарачилар билан – улар молиявий ижара шартномаси асосида олган асосий воситалар бўйича;
в) мол етказиб берувчилар билан – уларга товар-моддий бойликлар ва бошқа активларни етказиб бериш учун берилган бўнаклар бўйича;
г) харидорлар ва буюртмачилар билан – товарлар, тайёр маҳсулот, бажарилган ишлар ва кўрсатилган хизматлар учун олинадиган счётлар бўйича;
д) ажратилган бўлинмалар билан – товарлар, тайёр маҳсулот, бажарилган ишлар ва кўрсатилган хизматлар учун олинадиган счётлар бўйича;
е) харидорлар ва буюртмачилар билан – кредитга сотилган товарлар бўйича;
з) моддий-жавобгар шахслар ва корхонанинг ходимлари билан – моддий зарарни қоплаш бўйича;
и) юқорида келтириб ўтилмаган бошқа юридик ва жисмоний шахслар билан – корхонага ҳар хил турдаги қарзлар бўйича;
к) вақтинчалик фарқлар бўйича кечиктирилган фойда солиғи бўйича;
л) облигациялар дисконтлари бўйича кечиктирилган харажатлар;
м) бошқа муддати кечиктирилган харажатлар тўғрисидаги маълумотлар қуйидаги счётларда умумлаштирилади:
0910 «Олинган векселлар»;
0920 «Молиявий ижара бўйича олинадиган тўловлар»;
0930 «Ходимларнинг узоқ муддатли қарзлари»;
0940 «Бошқа узоқ муддатли дебиторлик қарзлари";
0950 «Вақтинчалик фарқлар бўйича кечиктирилган фойда...