Корхона электрон ҳужжат айланишига ўтишида қандай муаммолар пайдо бўлиши мумкин

Тавсияда:

– электрон ҳужжат айланиши нима;
– кадрлар бўйича ишни электрон форматда юритиш;
– корпоратив ва шартномавий ишларни электрон шаклда юритиш;
– бухгалтерия ҳисобини электрон шаклда юритиш;
– электрон ҳужжатларни сақлашнинг ўзига хос хусусиятлари;
– электрон ҳужжат айланишига ўтиш босқичлари.

Электрон ҳужжат айланиши (ЭҲА) –  «қоғозсиз иш юритиш» тартибини амалга оширадиган электрон ҳужжатларни қайта ишлашнинг автоматлаштирилган жараёнлар тизими. Бундай тизим, биринчи навбатда, иш вақтидан фойдаланиш самарадорлиги ошириши ва ҳужжатларни қўлда қайта ишлаш харажатларини минималлаштириши билан қулайдир. Аммо шу билан бирга, дастурий таъминот маҳсулотини сотиб олиш ва дастурни аниқ бир корхонага мослаштириш учун мутахассисларни таклиф қилишга моддий харажатлар талаб этилади. Йирик солиқ тўловчиларда ҳаттоки қўшимча харажатлар сезилмайди, фақат вақт ўтиши билан қоғоздаги иқтисод сезилиб боради.

Корхонанинг иш юритишини оптималлаштириш электрон ҳужжат айланишига ўтишни назарда тутади. Бундай ўтиш тез амалга оширилмагани маъқул, сабаби ходимларга дастурий маҳсулотдан қандай фойдаланишни ўрганиш учун вақт керак бўлади. ЭҲАга тўлиқ ўтишнинг қийинчилиги бир томондан шундаки, фақат электрон шаклда юритилиши керак бўлган ҳужжатларнинг аниқ ва тўлиқ рўйхати қонуний равишда белгиланмаган. Кўпинча ушбу муаммони мустақил равишда ҳал этишга тўғри келади. Бошқа томондан, кадрлар ва бухгалтерия хизмати ходимлари электрон ҳужжат айланишига ўтишга шошилишмаяпти, чунки бу одатий ҳол эмас. Тажрибали ходимлар электр қуввати узилиб қолса, ҳамма ҳужжатлар бир вақтнинг ўзида йўқ бўлиб кетишидан қўрқишади, бунда корхона фалаж ҳолатда қолади. Бунинг асосий сабаби шундаки, эски усулда ишлашга одатланган кекса авлод ходимлари янгиликларга ўрганишлари осон бўлмайди.

Эътибор беринг

Электрон ҳужжат – электрон шаклда қайд этилган, электрон рақамли имзо билан тасдиқланган ва электрон ҳужжатнинг уни идентификация қилиш имконини берувчи бошқа реквизитларига эга бўлган маълумотлар.

Электрон ҳужжат қоғоздаги ҳужжатга тенглаштирилади ва у билан бир хил юридик кучга эга